طبق متميزتعالوا شوفوا اول مشاركة لى وقولوا رئيكم

**lolo habeby** · 16-11-2008, 12:22 AM

السلام عليكم ورحمة الله وبركاتة
احب فى اول الموضوع اشكر الاخت نور الهدى على تعبها معايا انا جننتها علشان اتعلم تحميل وتنزيل الصور بس هى شاكرة تعبت جدا وربنا يكرمها يا رب ويا رب اكون تلميذة شاطرة
هنبتدى ان شاء الله بالفراخ المشوية انا كنت مستعجلة شوية فسلقت الفراخ الاول وبعدين عملتلها خلطة كدة من اختراعى معلقة صلصة
معلقتين صويا صوص
حبيتين طماطم
بهارات
هيل مطحون
مستردة
ملح فلفل اسود
بابريكا
وبصل
ودهنت بيهم الفراخ وحطيتهم تحت الشواية هما هيبانوا شوية ملسوعين هو احنا بنحبها كدة

ودة شكلها بعد ماطلعت من الفرن يا رب تعجبكم

الرقاق الطرى باللحمة
طبعا كلنا عارفين بنعصج اللحمة ازاى
الرقاق الطرى بيتجاب من عند محلات الفطير
او ممكن ناشف
بس انا بحب الطرى
بنحط اول تلات ورقات وندهنهم سمنة كويس وبنحط اللحمة وبعد كدة نحط التلات ورقات اللى فاضلين وندهنهم برضوا سمنة كويس
ونشربها بعد كدة كوباية شوربة
ونحطها فى الفرن ودة شكلها

ويا رب تعجبكم
وعايزة تشجيع
علشان انزل باقى اطباقى

**ام سنان** · 16-11-2008, 12:32 AM

حبيبتي تسلم ايدك

**radwa1981** · 16-11-2008, 12:35 AM

تسلم ايدك حبيبتي
مش عارفة ليه شامة ريحة ست بيت شاطرة جدا
ومستنية ابداعاتك عشان تاكديلي احساسي اللي نادرا ما بيخيب
وكمان الف شكر لنور القمر والله يباركلنافيها دايما

**lolo habeby** · 16-11-2008, 12:48 AM

كتبت بواسطة radwa1981

تسلم ايدك حبيبتي
مش عارفة ليه شامة ريحة ست بيت شاطرة جدا
ومستنية ابداعاتك عشان تاكديلي احساسي اللي نادرا ما بيخيب
وكمان الف شكر لنور القمر والله يباركلنافيها دايما

حبيبت قلبى ربنا يخليكى بصى هو الناس بتقول عليا شاطرة بس بجد انا كنت كويسة بس زادت شاطرتى لما عرفت المنتدا دة بجد وميرسى يا قمر على زوئك واول طبق ليكى انتى