غذاي رشتة كسكاااااس إنما .....إيه

**SwEeT BeBa** · 15-11-2008, 09:20 PM

السلام عليكم حبيباتي اليوم حبيت نشارككم غذاي اللي نمووووووووووت فيه !!!!
والمرة الجاية حندير باااازين ونصورهولكم
إنتظروني

**●•°BaSmA°•●** · 15-11-2008, 09:26 PM

تسلم الايادي
بس يا ريت لو تعطينا المقادير لنتعرف عالوصفة أكثر

**SwEeT BeBa** · 15-11-2008, 10:16 PM

كتبت بواسطة ●•°BaSmA°•●

تسلم الايادي

كتبت بواسطة ●•°BaSmA°•●

بس يا ريت لو تعطينا المقادير لنتعرف عالوصفة أكثر

شكرا لمرورك الطيب
مشكلتي اني مصورتش مراحل طبخها للأسف ولكن نعطيك المقادير : رشدة جاهزة
*للمرق:
لحم خروف
زيت زيتون _ملعقة سمن
بصلة صغيرة مفرومة
فلفل احمر مرحي -بزار - عود-ملح - قرفة-
طماطم معجون
لتر ماء أو أكثر

*البصلة البرانية :
4-5 روس بصل كبار شرائح
كوب صغير حمص
عود قرفة
*الطريقة :
بالنسبة للرشتة في اللي يعملها في البيت بماكينة خاصة ونظراً لانها تأخد وقت فنشروها جاهزة طبعا تحل من بعضها وعلي فكرة هي شبيهة بعجينة الكنافة بس علي اغلظ وتبوخ علي البخار في الكسكاس بكميات صغيرة حتي تنتهي .
وفي التبويخة الثانية تجهزي لحم الخروف (الضأن) حسب عدد الاشخاص تحطي في الطنجرة زيت الزيتون والسمن ورأس بصل صغير مفروم ومعاه اللحم وتحطيه علي النار يقلي وردي بالك يتحمر هلبة وبعدين تحطي الطماطم المعجون والفلفل الاحمر المرحي والبزار والملح وعود قرفة وتقليهم شوية وتصبي عليهم ماء لتر تقريبا وتتركيها علي نار هادية .وفي الاثناء تكوني حاطة الحمص في ماء يغلي علي النار حتي يستوي وتصفيه وماءه ممكن إضيفيها للمرق . ولما يغلي المرق تحطي الرشتة المبوخة في الكسكاس فوق الطنجرة وما تغطيهاش وخليها تبوخ هاذي التبويخة الثانية وبعدين تنزليها في صحن واسع وتحليها من بعض وخودي بالك لانها سخونة وبعدين انردها في الكسكاس ونضعها فوق المرق ونتركها حتي تستوي (بدون غطاء).
تو نجوا *للبصلة البرانية :في الأثناء نشرحوا البصل شرائح( طرنشات) ونحطه في طنجرة علي نار متوسطة ومعاه الحمص ونحركه كل شوي ولما نحسة ذبل نحط عليه ملعقة سمن ونقلب وبعدين الملح ثم نأخذ من المرق ونصب علي البصل حتي يتغطي تقريبا ولازم تتبقي عندي مرق ليستوي اللحم تماما وباش انحببوا بيها الرشدة بعدين ،وممكن انزيدوا فلفل وبزار وطماطم معجون علي البصل كان لون المرق خفيف ونتركها حتي يستوي البصل تقريبا .
وقبل ماتطفي علي النار غطي الكسكاس في الأخير لفترة بسيطة ثم إطفي علي النار.
*التقديم : حببي الرشدة بشوية سمن ومرق اللحم حتي يتوحد لونها وتشرب المرق والتحبيب بالأيد طبعا وبعدين نوزعها في الاطباق ونحط عليها البصلة واللحم وترش بقرفة مرحية حسب الرغبة وتقدم مع صلاطة خس

وبالهناء والشفاء

إن شاء الله أكون أفدتك حبيبتي

**roza1** · 15-11-2008, 10:34 PM

تسلم ايدك سويت على الرشتة الجميلة
أنا أشتري الرشتة جاهزة ولكن كنت أضع لها الحليب الساخن والسكر
أول مرة أعرف انه ممكن أطبخها بالصلصة واللحمة
شكلها رائع
تسلم ايدك

**SwEeT BeBa** · 15-11-2008, 10:52 PM

كتبت بواسطة roza1

تسلم ايدك سويت على الرشتة الجميلة
أنا أشتري الرشتة جاهزة ولكن كنت أضع لها الحليب الساخن والسكر
أول مرة أعرف انه ممكن أطبخها بالصلصة واللحمة
شكلها رائع
تسلم ايدك

شكراً علي طلتك الحلوة هادي الاكلة الفرست عندنا في ليبيا يعني تتقدم في المناسبات المهمة
شن رأيك تجربيها وتقوليلي

أكيد حتطلع حلوة من تحت إيدياتك

**ام هيا وحارث** · 15-11-2008, 11:00 PM

تسلم ايديك واضح انها لذيذة
لكن اية هي الرشتة؟ يا تري هي اللي شبه الاسباجتي في الصورة ولا هي شئ اخر

**SwEeT BeBa** · 16-11-2008, 12:58 AM

كتبت بواسطة ام هيا وحارث

تسلم ايديك واضح انها لذيذة
لكن اية هي الرشتة؟ يا تري هي اللي شبه الاسباجتي في الصورة ولا هي شئ اخر

حبيبتي الرشتة عبارة عن عجين مكون من دقيق وملح وماء وليه ليونةخاصة وتنحل بماكينة الرشتة او الباستا .
هذي صورة الرشتة

وهذي ماكينة الرشتة

وتسلمي علي الإطراء الحلو