السلام عليكم ..

انا جيبالكم معايا النهارد طريقه جديد لعمل الفارخ بالصوص بس حلوه اوى اتمنى تعجبكم ..

اولا : اغسلى الفرخه كويس وتبليها بالملح والفلفل وقطعيها على اربع قطع ..
ثانيا : حضرى صينيه
ثالثا : حضرى الخلطه اللى هتبلى بيها الفراخ وهى : _

بصله ناعمه مبشورة ــ كوب زبادى (لو صغير الحجم خليهم اتنين) ـــ فصين توم مهروس ناعم ــ ملح ــ فلفل اسود ــ ملعقه صغيره كمون ــملعقه صغيره كسبره ناشفه ــ ملعقه صغيره جنزبيل ــ ملعقتين كبار صلصه ــ ربع كوب ماء ..

الطريقه ..

اخلطى كل المقادير السابقه مع بعض وتبلى بيها الفرخه كويس وضعيها بالصينيه وضعيها بفرن متوسط الحرارة وكل فتره افتحى الفرن شوفى الفراخ لو محتاجه ميه ضيفى حاجه بسيطه بحيث ان الصوص يكون وفير فيها مش قليل ... ممكن تعملى مع اكله الفراخ دى طبق ارز بالكارى ..
ملحوظه ..
لما تضيفى ملح وفلفل للصوص قللى منه شويه عشان انتى تبلتى الفراخ بالملح والفلفل قبل كده ...

وبالهنا والشفا ..

تسلم ايدك شكلها لذيذة

تسلميلى مس ميرو جربيها واكيد هتعجبك ان شاء الله ولو فيه اى ملاحظات وقوليلى

سلمت الأيادي يارب

شكلها طِعمة يعطيك العافية

مشكورة عالوصفة باين عليها لذيذة وتسلم ايديك

روعة تسلمي شرح واضح مشكورة

تسلم يدك عزيزتي

تسلم ايديك
عجبتنا طبعا نفس طريقتي لكن انا لا اضيف الكمون والكزبرة ان شاء الله اجرب

الله يسلم ايديكي ياااااااارب
شكلها كتيييييير بيشهي
راح اجربها
يعطيكي الف الف عافيه

مشكوره عزيزتي