السلام عليكم و رحمة الله و بركاته
كيفكم يا جماعه اول مرة انزل موضوع انا اللى اعمله بنفسى
انا عملت النهارده على الغدا ورقة اللحمة ما كنتش اعرفها قبل كده لكن لاقيت اصدقاء ليا بيتكلموا عنها فقلت اعمل بحث على النت و اشوفها بتتعمل ازاى ؟؟؟؟؟؟؟؟؟
طبعا اخدت حاجة من كل وصفة و للاسف مش فاكرة اسماء المنتديات لانها من حوالى سنة و بجد طعمها رووووووووووعه معلش طولت عليكم يالا نبدا سوا
المقادير
نص كيلو لحمة مقطع مكعبات صغيرة
3 بصلات متوسطة مقطعه جوانح
خضار مشكل(بسلة -فاصوليا-ذرة-جزر-بطاطس)
5 فصو توم
خضرة(كسبرة-بقدونس-شبت)
فلفلة خضراء
بهارات(فلفل اسود-كركم-قرفة-ببريكا-سبع بهارات-كمون-كسبرة)
الطريقة
نغطى صينية صالحة لدخول الفرن بورق قصدير بالطول و العرض و تكون طويلة علشان نغطى الخليط كويس قبل دخولها الفرن
و نضع ملعقة سمن على ورق القصدير و نوزعها عليه مثل الصورة
نضع فلفل اسود و الملح على اللحم و نقلبهم كويس ثم نضع فوقهم البصل المقطع جوانح و نقلبهم كويس ثم نضعهم فى الصينية
نضع البسلة و الفاصوليا و جزر مقطع مكعبات و الطماطم تقطع اربع اجزاء فقط و البطاطس تكون متوسطة الحجم تطع نصفين فقط والفلفلة الخضراء مقطعه قطع صغيرة و الذرة
و نضيف الخضرة بعد تقطيعا قطع صغيرة
ثم نضيف البهارات و قليل من الملح لاننا وضعنا ملح قبل كده على اللحم ثم نمزج الخليط جيدا فى وعاء
ثم نضيف الخضار على اللحم فى الصينية
نغلق القصدير جيدا فوق الخضار واللحمة لكى لا يخرج اى بخار من اللحم او الخضار
ندخل الخليط فرن حااااااار على الرف الاول لمدة حوالى من ساعة و نص الى ساعتين
و نصع فى الصينية نفسها اى خارج ورق القصدير حوالى كوب ماء حتى لا تحترق الصينية و بحيث لايدخل الماء بداخل اللحم و كل ربع ساعة نشوف هل الماء اتبخر و لا لا و كا ما يتبخر نزود كمان
ده شكل الصينية بعد ما خرجت
وتقدم مع ارز ابيض
و ده طبق لاول واحده هترد
جربوها بجد اكتر من روووعه
رد مع الاستدلال
كتبت بواسطة التفاحه الحلوه1
الروابط المفضلة