اليوم جايبتلكم محشي جزر طبق غريب شوي بس كتيرلذيذ

بنصحكم تجربو
اولا المقادير:
جزر كبير الحبه
رز
لحمه مفرومه ناعم
بهارات حسب الرغبه (ملح,فلفل,بهار مشكل,قرفه ,معلقه سمنه,وزيت نباتي)
تمر هندي
بندوره
زيت للقلي

ونبدا العمل
اول شي بنحفر الجزر متل الصوره

وبعدين بنجهز الحشوة

الرز واللحمه والبهارات والسمن والزيت

ولازم ننقع التمر هندي بماء فاتر

وبعد ما نكون انتهينا من الحشو نبدا بقلي الحزر بزيت غزير

بعد القلي اضع الجزر بالطنجره واضيف فوقه التمر الهندي بعد عصره وتصفيته من البذور واضيف قليلا من عصير البندوره ورشه ملح واتركه عنار عاليه حتي يغلي ثم اغطيه واتركه عنار هادئه

اتركيه عالنار حوالي ساعه الا ربع تقريبا وبكون جاهز
وهاد شكله النهائي

بتمنى انكم تجربو ويعجبكم

وصحتين وهنا

ولا تحرموني من ردودكم

وصفة جديدة جدا لكن شكلها لذييييييييذ
لكن هل حفر الجزر صعب شوية؟

شكرا لمرورك ام هيا وحارث
والله يعني في صعوبه شوي بس يستحق التجربه
بتمنى تجربي وتحكيلي رايك

واهلا فيك

تسلم ايدينك مشكوووووره

تسلم ايديك الف شكر

تسلم اللايادي يارب
بالعافيه والصحه عليكم يارب
حبيبتي انا صغرت الصور اتمنى المشرفات ايعدلوا الرد

الله يسلم ايديكي يا زهرة
ويعطيكي الف عاافيه
انا الصراحه اول مرة بشوفه بس شكله بشبه
محشي الخيار والكوسا بس زياده التمر هندي
ان شاء الله نشوف المزيد من وصفاتك

يسلموا ايديك
بس بصراحه اول مره اسمع فيها او اشوفها
بس انا بحب الطعم الحلو والمالح بالاكل بس بصراحه عجبتني
عندي سؤال فيني استغني عن التمر الهندي لانه مابحبه
يعني ممكن اعملها بماء البندوره بس
وتسلم دياتك شي جديد وغريب

تسلم الايادي يا رب