السلام عليكم يا غاليات
زمان ما نزلت شي بهذا الركن الرائع
وكمان أقدم الموضوع لعيون الاخت ام سنان وكل غالية راسلتني على الخاص بتسألني عن أطباق جديدة ووعدتها بتنزيل موضوع عن قريب..
عشان هيك جيت حاملة عدة طبخات لذيذة ويا رب تنال رضاكم غالياتي...
شاكرية ورز
المقادير
لحمة موزات مسلوقة بالمطيبات (قرفة، هال، ملح، ورق غار ...)
لبن مطبوخ وطريقتي على هذا الرابط
الطريقة
بعد ان يغلي اللبن نضيف اليه اللحم ثم القليل من المرق.
نعدل الملح.
تقدم مع الرز بالشعيرية
اليكم الصور
سلق اللحم
اضافة اللحم والمرق الى اللبن المطبوخ
تقدم مع الرز ..ولذيذة جنبها فليفلة خضراء حلوة
كوسى أبلما
المقادير
كوسى
لحمة مفرومة
بهار مشكل (سبع بهارات)
صنوبر محمر بشوية زيت
رب البندورة
بندورة حمراء مهروسة
بصلة مفرومة
ملح
قرفة
فلفل اسود
الطريقة
نقلب البصلة بشوية زيت مع ملح حتى تذبل..نضيف اللحمة والبهارات...
بعدما تستوي اللحمة نطفيء النار تحتها ونضيف الصنوبر ونخلطهم ببعض..
نحشي الكوسى المحفورة ثم نقليها بشوية زيت غلى أن تحمر
بالطنجرة نضع البندورة المهروسة وشوية رب البندورة (صلصة) ونتبل بالملح والفلفل الأسود ونضيف الكوسى ونتركهم يغلو تقريباً نصف ساعة (حسب حفر الكوسى اذا كانت سميكة ممكن تعوز أكتر وقت للإستوا..
تقدم مع الرز الابيض او الرز بالشعيرية
اليكم الصور
تحشى الكوسى وتحمر
توضع بالبندورة
تقدم مع الرز
وهذه صورة لطريقة تقديم أخرى
وهذه الصوة قديمة ولكن وضعتها لني نسيت اصور الكوسى وهو مفتوحة
يخنة القرنبيط (منزّلة الزهرة)بالدجاج
المقادير
دجاج مقطع ومسلوق بالمطيبات(ورق غار، قرفة، فلفل أسود)
راس قرنبيط مقطع زهرات كبيرة ومقلية
عصير ليمون
كزبرة خضراء مفرومة
ثوم مدقوق
ملح
الطريقة
بعد سلق الدجاج نصفي المرق ثم نضيف فوقه قطع القرنبيط
ندعهم يغلوا 5 دقائق ثم نضيف الليمون والكبرة والثوم
وتقدم بجانبها رز بالشعيرية
وألف صحة وهنا
لا تنسوني انا وعائلتي من صالح دعائكم
الروابط المفضلة