اسباغيتي بالدجاج والكرفس
طريقة عملها سهلة وطعمها يجنن
المقـــاديـــر
صدور دجاج
بصل
جزر
كرفس
فليفلة
تومة
صويا صوص
ملح وفلفل أسود وهال وجنزبيل وماجي
وأكيد معكرونة سباغيتي
طريـــقــة التحضـــيـــر
* نقطع الدجاج مربعات ونغسله
بننقعه بليمون وملح وفلفل أسود وهال وجنزبيل وبنخليه على جنب
* نضع المعكرونة للسلق ونبدتي بالعمل
* بقطع البصل شرحات
* وبقشر الجزر وبقطعه شرحات بالطول
* بقطع الفليفلة شرحات ممكن اجيبها خضرا أو ملونة تعطي شكل أحلى (انا استعملت خضرا وحمرا وصفرا)
* بقطع الكرفس دوائر يعني مش بالطول
* بدق سنين تومة
*** طبعاً الخضرة كلها غاسلينها
* نحط زيت بالمقلاة ونقلي البصل حتى يصبح لونه اصفر بعدين بضيف التومة وبقليها شوي
* بضيف الجزر والفليفلة والكرفس وبقليهم على نار واطية وبضيف لهم ماجي مذوب بقليل من الماء
* لما تدبل الخضرة وتستوي بضيف الدجاج عليهم
[** طبعاً الدجاج ما راح يأخد وقت كتير لحتي ما يستوي
* بعد ما يستوي الدجاج
طبعاً نكون سلقنا المعكرونة وجاهزة فنضعها بطبق التقديم
ومن ثم نضيف عليها الخضار والدجاج
* ونضع عليهم صويا صوص طبعاً بالنظر وبالتذوق نضيف الكمية المناسبة
وإنتبهي لا تكتري لانه الصويا صوص مالح
ولشكل النهائي للاسباغيتي بالدجاج والكرفس
وصحـــتيـــن و عـــافية
الروابط المفضلة