السلام عليكم حبيباتى
سمعت كتير عن التشيكن كييف وحلاوة الكييف وجمال الكييف
عملت بحث موسع فى المنتدى ووجدت موضوع واحد منقول عن
طريقة عملها... فقررت إنى أعملها بالصور وتبقى من أفكار المنتدى
وليست منقولة ... للأسف مش لاقية رابط الموضوع المنقول لأضعه هنا
لكن مش مشكلة
نبدأ على بركة الله
المقادير: صدور فراخ مقطعة شرائح
ثوم وزبدة بدرجة حرارة الغرفة
بقدونس مقطع صغير
ملح وفلفل للتتبيل
بيض وبقسماط
زيت للقلى
الطريقة: سهلة جدا ولذيذة
أولا تتبل شرائح الفراخ بالملح والفلفل ( فيه ناس تضيف بصل مفروم) لكن أنا ما حبيتش كفاية الثوم
تترك الشرائح فى التتبيل فترة يعنى نص ساعة مثلا
نضع معلقتين زبدة كبار ( يعنى حسب كمية الدجاج اللى عندك) وعليها 3 فصوص ثوم مفروم أنا هنا زودت جبنة كيرى لزيادة الطعم
حطيت واحدة بس وممكن نحط جبنة مثلثات وممكن كمان جبن موتزاريللا وشيدر بالمرة يعنى حسب الطعم اللى تحبيه
ثم نضع على الزيدة والثوم والجبنة البقدونس المفروم ونخلطهم جيدا ثم تحشى بها قطع الفراخ وتلف وتتقفل بخلة الأسنان ثم تتبل بالبيض والبقسماط وتوضع فى الفريزر حتى تجمد لسهولة القلى أو التلاجة لو مش مستعجلة بس كده ربع ساعة واللا نص ساعة علشان الجبنة متفكش فى الزيت عند القلى
وهنا الشلة كلها
تقلى فى زيت عزير
وتقدم بالهنا والشفا
جربوها وإدعولى طعمها فعلا جميل
واللى تطبق ما تنساش تصور لنا التطبيق
الروابط المفضلة