الجمبرى الطازه (سبيط و جمبرى كرانشى مع رز صياديه وبطاطس بالزعتر فى الفرن
يا سلام على الفسفور
يلا نشوف مع بعض اسهل طرق عمل الجمبرى و السبيط كرانشى
نجيب نص كيلو جمبرى و نص سبيط
نغسلهم و نقطع السبيط شرائح
و نحط عليهم تتبيله بهارت ، ملح ، فلفل، كمون، وشويه شطه و توم مهروس
بعد 10 دقايق
نجهز خلطه عباره عن بيضه و دقيق و ليمونه
وننزل فيها الجمبرى و السبيط
وبعدين فى البقسماط
ونكون جهزنا طاشه القلى و الزيت حامى على الخر
و نقلى
ومن جهه تانيه نعمل الرز
2 كوب أرز منقوع 20 دقيقه
ا بصله وسط مبشوره
ملح و فلفل
3 ملعقه طعام زيت
الطريقه
نسخن الزيت فى حله مع البصل
اول ما يدخل على التحمير نضيف الرز المنقوع
ونقلبه و بعد 5 دقايق نشربه بالميه و الملح و الفلفل و يقلب جيدا و نسيه يفلفل على النار
لازم نقدم حاجه من المقبلات مع الطبق
نعمل ايه نعمل ايه
نجيب بصله نقسمها نصين و نحشيها توم وزبده
و رشه ملح و فلفل وجوه الورق الفويل نحطها و نشويها فى الفرن هتبقى بالشكل ده زى ما تحبى درجه شويها
و نعمل شويه بطاطس مسلوقه عشر دقايق على النار متقطعه ودجز و نقلبها فى ملح و فلفل وزعتر و زيت زيتون و ندخلها الفرن
و نحمر وجه من العيش الشامى و نقدم عليه البطاطس
و بألف هنا و شفا
حلوه الاطباق و لا ايه
رد مع الاستدلال
كتبت بواسطة تناغرا
الروابط المفضلة