السلام عليكم

اولا بجد بشكر المنتدي الجميل ده انه عرفني بناس زيكم كلهم بيشجعو وكلهم بيساعدو فعلا ، لو مهما قولت عن المنتدي مش هكفيه حقه وخصوصا اقسام الاكلات يكفيني اني اقولكم مع المنتدي مش خايفه لما اتزوج اني معرفش اعمل اي وصفه وماشاء الله كله بالصور وروعه

ندخل في الموضوع بقي ، باختصار انا ان شاء الله فرحي قرب وطبعا عارفين قبل الزفاف بيبقي في ليله حنه وبيبقي فيها الاصحاب والاحباب والاهل واهلي العريس كمان ، السؤال هنا ايه المفروض اقدمه ليهم هل عشاء او مشروبات فقط او حلويات ؟؟؟ وياريت الي يرد يقولي مثل ايه من الاشياء الي اقدمها

احب اعرفكم اني اكبر واحده بعيلتي واول واحده اتزوج فيها فانا حقل تجارب ومش عارفين نعمل ايه بالظبط؟؟ فياريت الي يرد بيكون جرب اليوم ده نعمل فيه ايه؟؟اوعو تفتكروني كبيره للدرجه انا 24 سنه بسسسسسس

منتظره ردودكم

وادعولي بالزواج المبارك والذريه الصالحه ان شاء الله وعقبال كل بنات المسلمين

مبرووووووووووووووووووووووك ..... مبروووووووووووووووووووووووووووووك ..... يارب يتم لك على خير ان شاء الله .... والله يابنتى كان بودى افيدك لكن انا اتجوزت من 8 سنين وكانت ليلة الحنه بتاعتى عباره عن جاتوه وساليزون وحاجه ساقعه واكيد طبعا الدنيا اتطورت من ساعتها .... مش عارفه دلوقتى بيعملوا ايه ... اقول لك الجوازه الجايه حاعرف .....

السلام عليكم ورحمه الله وبركاته
حبيبتى اااااااااااااالف مليون مبروك وربنا يتمم ليك على خير
واحنا معاكى فى اى حاجه تحتاجيهااااااااااااااااااااااا
انا راى (عملت كده فى حنه اختى)
سندوتش كفته وسندوتش فراخ بانيه وقطعه جاتو فى طبق ومعهم عصير جهينه او بيبسى
وممكن ان تختارى اى نوع من السندوتشات احسن من الاكل والتعب ومجهود وتانى يوم فرح
وقبلها تعب الفرش فده بصراحه كان مريح لينا جدااااااااااااا
وانا تحت امرك وان شاء الله ادور ليكى على رقم البنت اللى عملت لينا الحنه كانت تجننننننن
كانت حنه نوبى ورسم بالحنه مع الدى جى وتصوير الفيديو مع شو نوبى ولبس للعروس بس بتبقى حريم فقققققققط
وربنا يوفقك

بصى يا انستى العزيزة انتى عاملة حنه يعنى تانى يوم الفرح ,, يبقى اهتمامك يكون بفستانك و حاجتك و شعرك و ماكياجك و بس و الحنه تكون بسيطة جدا جدا , يعنى جاتوه سواريه و ساليزون و بيتى بان واخدة لحمة باردة و واحدة جبن شيدر او رومى, و كانز او حاجة ساقعة و دمتم و لازم تنامى كويس جدا الليلة دى لأن المتوقع و الطبيعى انك هيكون عندك ارق من غير حاجة فعلشان كده تشربى حاجة مهدئة و تنامى كويس علشان تبقى فايقة فى فرحك وشكلك و صورك تبقى حلوة ,,, كمان تبقى فايقة للعريس كويس.
انا طبعا بحكيلك من واقع تجربتى ,انا كنت مرهقة جدا وحلوة اه بس مش مركزة ,, ده غير انى نمت فى العربية و انا رايحة منزلى الجديد ,, يعنى من الأخر كنت عروسة دايخة...
نصييييحة ,,, لا تجهدى نفسك و الخنة تبدأ بدرى و تخلص بدرى و تشربى اللبن و تغسلى رجليكى و تخشى تنااااامى
و ربنا معاكى و يوفقك ,, و ما تقلقيش الجواز حلو.......

يلا يا ستي ابسطي هما جابولك من الاخر..ويارب يتمملك بخير وتكوني متهنيه يارب

كتبت بواسطة carmen

مبرووووووووووووووووووووووك ..... مبروووووووووووووووووووووووووووووك ..... يارب يتم لك على خير ان شاء الله .... والله يابنتى كان بودى افيدك لكن انا اتجوزت من 8 سنين وكانت ليلة الحنه بتاعتى عباره عن جاتوه وساليزون وحاجه ساقعه واكيد طبعا الدنيا اتطورت من ساعتها .... مش عارفه دلوقتى بيعملوا ايه ... اقول لك الجوازه الجايه حاعرف .....

الله يبارك فيكي يارب ، وبعدين هو الي بيجوز مره بيجوز تاني ده بيقول توبه هههههههههههههه ، وكمان الحاجه الي قدمتيها في حنتك زي الفل ماشاء الله وممكن اعمل كده ، ربنا يخليكي والله سبحان الله حبيتك لله في لله من خلال مواضيعك وردودك والله ، ربنا يكرمك يارب

كتبت بواسطة شخبط شخبيط

السلام عليكم ورحمه الله وبركاته
حبيبتى اااااااااااااالف مليون مبروك وربنا يتمم ليك على خير
واحنا معاكى فى اى حاجه تحتاجيهااااااااااااااااااااااا
انا راى (عملت كده فى حنه اختى)
سندوتش كفته وسندوتش فراخ بانيه وقطعه جاتو فى طبق ومعهم عصير جهينه او بيبسى
وممكن ان تختارى اى نوع من السندوتشات احسن من الاكل والتعب ومجهود وتانى يوم فرح
وقبلها تعب الفرش فده بصراحه كان مريح لينا جدااااااااااااا
وانا تحت امرك وان شاء الله ادور ليكى على رقم البنت اللى عملت لينا الحنه كانت تجننننننن
كانت حنه نوبى ورسم بالحنه مع الدى جى وتصوير الفيديو مع شو نوبى ولبس للعروس بس بتبقى حريم فقققققققط
وربنا يوفقك

الله يبارك فيكي ياقمر وفرصه اشكرك علي كل الاكلات الي بنشوفها ليكي في المنتدي بجد انتي روعه ، فكرتك حلوه فعلا موضوع السندوتشات ده وتاني يوم الفرح اصلا يعني هيبقي في عشان واوبن بوفيه ، هو انا الاول فكرت اننا نعمل رز بالخلطه ومحشي وفراخ بانيه وكفته ونحطهم في اطباق بس حسيت انه كتير وكمان الناس الي هيجو شكلهم كتير والدنيا هتبقي كتير اوي لكن فكره السندوتشات دي هتخليني اعمل الاطباق من قبل لما يجو حتي بفتره ونحضر لكن لو عشا لازم يبقي نغرف وحوار كبير ، انا مستنيه لو قدرتي تجيبلي رقم البنت الخاصه بالحنه وعرفيني بس قد ايه بتاخد كمان وانا هعملها اصلا بنات بس

بجد مشكوره جدا علي ردك

كتبت بواسطة chahira

بصى يا انستى العزيزة انتى عاملة حنه يعنى تانى يوم الفرح ,, يبقى اهتمامك يكون بفستانك و حاجتك و شعرك و ماكياجك و بس و الحنه تكون بسيطة جدا جدا , يعنى جاتوه سواريه و ساليزون و بيتى بان واخدة لحمة باردة و واحدة جبن شيدر او رومى, و كانز او حاجة ساقعة و دمتم و لازم تنامى كويس جدا الليلة دى لأن المتوقع و الطبيعى انك هيكون عندك ارق من غير حاجة فعلشان كده تشربى حاجة مهدئة و تنامى كويس علشان تبقى فايقة فى فرحك وشكلك و صورك تبقى حلوة ,,, كمان تبقى فايقة للعريس كويس.
انا طبعا بحكيلك من واقع تجربتى ,انا كنت مرهقة جدا وحلوة اه بس مش مركزة ,, ده غير انى نمت فى العربية و انا رايحة منزلى الجديد ,, يعنى من الأخر كنت عروسة دايخة...
نصييييحة ,,, لا تجهدى نفسك و الخنة تبدأ بدرى و تخلص بدرى و تشربى اللبن و تغسلى رجليكى و تخشى تنااااامى
و ربنا معاكى و يوفقك ,, و ما تقلقيش الجواز حلو.......

ربنا يخليكي ويبارك فيكي عي ذوقك في الرد والله كلامك كله صح ميه في الميه لازم اهتم بنفسي اكتر حاجه والحنه متعبش فيها نفسي وهبدأها بدري ان شاء الله واخلصها بدري ، عندك حق موضوع النوم ده مشكله انا يوم خطوبتي معرفتش انام اصلا مع انه خطوبه يعني وفي البيت كمان فان شاء الله هاخد حاجه مهدئه بس تفتكري حاجه طبيعيه ولا دواء مثلا ؟؟ ومتقلقيش هغسل رجلي واحط الكريم كمان واشرب اللبن وادخل انام ، يارب الجواز يكون حلو فعلا ادعولي

كتبت بواسطة still_here

يلا يا ستي ابسطي هما جابولك من الاخر..ويارب يتمملك بخير وتكوني متهنيه يارب

ربنا يخليكي يارب وعقبالك لو لسه متزوجتيش ولو اتزوجتي ربنا يرزقك بالذريه الصالحه يارب ، مشكوره علي ردك

والله لوكنتي من الخليج راح تعملين الاكلات الشعبيه المعروفه

انا في يوم ليلة الحناء

عملت بليله الي هو النخي المطبوخ

وباجله تسمون الفول الصحيح مطبوخ مع ماي وملح وبنحطه في اكواب بلاستيكيه


عملت الهريس المعروفه


خنفروش

كباب الخليجي

سندويشات توتست جبن مع زبده

علب عصيرررررر جاهز


سمبوسه


ممكن تحطين في صحن بلاستيكي

قطعة سمبوسه .. وبيتزا صغيرره ..توست محشي بالجبن المربع وتقطعين التوست على شكل مثلث ..

كبه .. اوكفته لحم صغيرره

ويغلف الصحن بكيس نايلون ويوزع على المعازيم والضيوف

وممكن تهدي الضيوف حنه جاهزه تضعينه في علب بلاستيكيه صغيررره وتغلف بالنيلون تبع الهدايه


وهذي بعض الافكار اتمني تستفدين منها لتويع الحنا على الضيوف

شريط ستان منوع للف التوزيعة