السلام عليكم ورحمه الله وبركاته............
يامية هلا وغلا وكل عام وأنتن بألف خير أشتقت لكم
ولمنتداي الغالي
جايبه لكم برياني كلمة لذيذ قليله في حقه الطريقة معتمدتها عندي من زمان
مادري من وين لطشتها
نبدى بالمقدير:
( بصل ـ طماطم ـ فلفل رومي وبطاطا مقطعه مكعبات صغار
فلفل حار وكزبره وورق كاري ـ وزبادي او روب * سرالربياني الاول* )
( صلصل طماط ـ ثوم ناعم ـ ورق غار وكزبره نشفه مطحونه
ومكعبين ماجي ـ وزعفران منقوع بماء )
( وبزار البرياني وهنا *سرالثاني* + فلفل اسود وطبعا لحم مسلوق )
نجي لطريقة:
اولا تسلقين الرز ولا العيش بالطريقه المعتاده نص استواء انا
ضفت لها ورق غار للطعم وريحه وتحطيه ع جنب
ثانيا تشوحي البصل لحد ما يشقر بعدها تضيفين اللحم
ثالثا تضيفين عليه البزار والفلفل الاسود والثوم
والماجي وورق الغار والكزبره الناشفه وتقلبيهم لحد مايستوي البزار
بعدها ضيفي الروب وحركي ثم الطماط والفلفل الرومي والفلفل الحار
وخليه ع نار هاديه لمده 10 دقائق
وعلى ما يمرن ال10 دقايق تكوني انتي قليتي البطاطا
رابعا تضيفين صلصة الطماط وورق الكاري وتحركيهم
وتخليهم لخمس دقايق بعدها تضيفي الكزبره
وخلاص جهزت .لحين في القدر تحطين قسم من الحشوه في الاسفل
وفوقها العيش ولا الرز وبعدها تحطي القسم الثاني من الحشوه
وعليهم البطاطس وشويه زعفران
اخيرا تضيفين الباقي من الرز وعليه بقيه الزعفران
وملعقه صغيره سمن ويغطي بالقصدير لدقيقه ويكون جهز
وحياكم اتفضلوا
والسموووووحه طولت عليكم
الروابط المفضلة