السلام عليكم اخواتى
انهارده جايبه لكم اختراع من اختراعاتى
فى المطبخ
بس و الله جميل جدا بشهاده
الحضور فى عزومتى
الفراخ بالسمسم و الزعترو الليمون
المقادير
افخاد فراخ او فراخ كامله على حسب الرغبة
زعتر ناشف 5 ملاعق كبيره لكل فرخه
ملح و فلفل و بهار
بصل مبشور بصله كبيره لكل فرخه
ملح ليمون كميه قليله جدا
1 عصير ليمونه لكل فرخه
سمسم ملعقه ط و نصف لكل فرخه
2ملعقه زبادى لكل فرخه
زيت زيتون
الطريقه
نحضر الفراخ
و نقوم بخلط الزعتر و البصل
و الليمون و التوابل و الزبادى
نحشى بهم الفراخ من الداخل و الخارج و زيت الزيتون على وش الفراخ و فى الخلطه
و توضع فى الفرن على درجه حراره من 220 الى 240
لحوالى 45 دقيقه
و تقدم مع مكرونه اسباجيتى بصوص البولونيز
و بألف هنا و شفا
roina
الروابط المفضلة