السلام عليكم ورحمة الله وبركاته
بما انو نحنا بشهر رمضان فلازم الواحد يكتر من اكل الخضار
ومن يومين عملت اكلة ملوكية على الطريقة الشامية.......صورتها و قلت لازم حطها هون لانو طلعت كتييير طيبة
هي صورتها اذا عجبتكم كملوا قراية وصحة وهنا
و اذا ما عجبتكم شكرا على مروركم الكريم
المقادير
(بستعمل ملوخية ناشفة لانو ما بتخيط و بحسها اطيب من التازة و الدنيا ازواق )
ملوخية ناشفة
2 بندورة مقطعة
دجاج او لحمة حسب الرغبة منظفين و مسلوقين انا استعملت دجاج
4 سن ثوم
ملعقة زبدة مقطعة شرحات
ملعقة سمنة
كزبرة ناشفة ملعقة صغيرة
مكعب ماجي
مرقة دجاج او لحمة
ملعقة كبيرة دبس رمان
ملعقة دبس فليفلة
بهارات ملح قرفة جوزة الطيب زنجبيل فلفل
جرزة كزبرة مقلاية بزيت الزيتون مع سنين ثوم كبار
الطريقة
نقطع الثوم دوائر ونضعه في الطنجرة مع السمنة
نغسل الملوخية منيح وننقعها بشوية ماء مدة دقيقتين (بدا تطرى شوي) ونضيفها للثوم بعد تصفيتها من الماء تماما
نقلب الملوخية مدة 8 دقايق بالسمنة والثوم ونضيف رقاقات الزبدة اثناء التقليب
نضيف مكعب ماجي و البندورة المقطعة و الفليفلة و البهارات
ونقلبها شوي ثم نضيف مرق الدجاج حتى يغمرها وبنحركها شوي بندوقها وبنركز ملحها
وتترك على نار متوسطة مدة نصف ساعة او اكتر شوي
قبل تقديمها بخمس دقايق نضيف التوم و الكزبرة
تقدم مع ارز ابيض او خبز
الروابط المفضلة