طبق المكرونة البتزا من الأطباق المحببة فى العزايم بتاعتى علشان شكل وطعم وحاقول لكم طريقتى ولو انى عارفه انها مقتوله بحثا هناهو بس للتذكره
انا حاقول المقادير مع الطريقة :
الأول صلصة البيتزا اللى هى عبارة عن فصين ثوم مهروسين على النار مع شوية زيت وبعدين ملعقتين صلصة وملعقة كاتشب وشوية زعتر وشوية ميه وبسسسسس
نسلق المكرونة حوالى 250 جم
نجهز صوص خلط المكرونة اللى هو عباره عن ملعقة قشطة كبيرة وملعقة مايونيز كبيرة وملعقة جبن كاسات كبيرة
نخلط المكرونة المسلوقه مع الخليط فى صينية الفرن
نضيف صلصة البيتزا على الوجه ونبتدى نضيف الأجبان
وانا استعملت شيدر شرائح وموزاريللا مبشور ورومى مبشور
نجهز الحشوة بخلط بصل مقطع وطماطم بدون بذر مكعبات وفلفل رومى شرائح صغيرة وبسطرمة مقطعة ويقلبوا فى ملعقة زيت على النار قليلا حتى يذبلوا شوية
نضيف شرائح الزيتون بعد رفع الخليط من على النار
نضيفها على المكرونة
نضيف مجموعة الأجبان تانى
الى الفرن حتى تسخن وتذوب الأجبان وبألف هنا وشفا
جربوها لذيذة وعلى فكرة مش بتاخد وقت فى الفرن لأننا تقريبا مسويين كل حاجه على البوتاجاز
الروابط المفضلة