السلام عليكم يا جماعة الخير ..
عندي مشكله عويصه اني ما بعرف ليش ما بيزبط معي الرز المصري (صن وايت )واخواته نهائيا ..
ايعني بين كل 10 مرات بيزبط مره .. و الباقي يا مخبص أو مرزرز ( لسا ما استوى )...
المشكله انو ما بيزبط معي و من قبلي ما كان يزبط مع امي .. لإني بتزكر من أنا صغيره و ابوي عنده ملاحطات على الرز .. و لما استلمت المهمه كمان ما بزبطة .. انا متأكده انه في مشكله في مكان ما ..
اللي بسوية اني بنقع الرز تقريبا ربع ساعه بعد ما أغسله ..
بعدين بقلي شعيريه و بحط الرز و الملح و بحرك شوي و بعدين بحط المي اللي بتكون تقريبا نص سم اعلى من الرز .. و هاي هيه ..
بعرف تسواية الرز ما بدها شطاره بس نفسي يزبط معي ..
اش اسوي .. للمعلومية بس رز الكبسه و البخاري اموره تمام و مافي مشاكل ..
و رمضان مبارك علينا ..
الروابط المفضلة