يامساء الفل بنوتات لك
النهارده عملت صينية بطاطس وقلت لازمن حتمن ولا بد.. تشوفوها
المقادير :
2 حبة بطاطس كبار
1 بصله شرائح
1 فلفل رومى شرائح
2 طماطم وسط حلقات
2 فص ثوم مفروم
سمن
ملح وفلفل
ماء وماجى

الطريقة :
الأول حطيت شرائح البطاطس مع فصين الثوم المفروم فى السمن وهات ياتقليب

وبعدين حطيت الخضار

وبرضه هات ياتقليب فى السمن

وبعدين اما الخضار يدبل خالص نحط الميه والماجى

ونسيبها من فوق البوتاجاز شويه وهيا حاتستوى بسرعه لأننا هريناها تقليب ونروح مولعين عليها الشوايه بتاعة الفرن ونحمر وشها

وكلى أحلى صينية بطاطس ..... يم يم

واااااو كارمن رهيبه هههه شكرا

Ammoon واااااااااااو فتحتى نفسى بردك ..... تسلمىىىىىىىىىىىىىىى

هايله يا كارمن بس عايزه اسئلك سؤال الله يكرمك

هات يا تقليب دى قصدك على النار يعنى؟؟؟؟

ردى عليا يلا انا مستنياكى

أسيرة حنانه ..... أى نعم على النار ياجميلة بس طبعا نار هاديه علشان ماتتلسعش منك علشان إنتى مش حاتحطى أى سوائل فى الأول وجربيها سهلة ولذيذة والتقليب فى السمن بيدى طعم خيااااال.... وتسلمى على ردك

ما شاء الله رووووووعه يا كارمن
شكلك ما شاء الله هاويه للمطبخ
ربنا يحفظك يا جميل

اممم يعطيكي العافيه على الطبق

كل الحلا مصرية تسلميلى ياقمرايه وربنا يحفظك انتى كمان وانا فعلا باموووووت فى المطبخ ..... هوايه .....

شكرا عللى الطريقه الجديده
انا بشوف بطاطس كتير بس زى بتاعتك لسه ماشفتش
مستنيه جديدك ومتتاخريش عليا لانى كل يوم قبل مابطبخ بغش منك انتى عملتى ايه

شكرا عللى الطريقه الجديده
انا بشوف بطاطس كتير بس زى بتاعتك لسه ماشفتش
مستنيه جديدك ومتتاخريش عليا لانى كل يوم قبل مابطبخ بغش منك انتى عملتى ايه