السلام عليكم
انا اشتريت ديك رومى مجمد حوالى 7كيلو ومحتاسة ومش عارفة طريقة كويسة لعمله دلونى احسن جوزى مخوفنى انا ابوظه والعزومة تبوظ

حبيبتي حسب معلوماتي ان اولا يجب ان تسلقي حتى تصرفي في بعد السلق
بأن تقلي
و ما اعرف تردي بحجما كله لو تقطعي
و ان شاء الله الاخوات يفيدوكي اكثر

تسلملى يا ام احمد

لكل كيلو من وزن الديك 1/2 ساعه نضج فى الفرن يعنى محتاجه 3 ساعات تقريبا
يتبل الديك بالبصل والليمون والملح والفلفل وجوز الطيب من كل الاتجاهات ويقلب على صدرة من بالليل فى التلاجه
فى صينيه الفرن نضع جزر شرائح وبطاطس شرائح وبصل شرائح ومستكه وحبهان وورقه لاورو ونضع فوقهم الديك مع نزع التتبيله اللى كانت عليه من بالليل
نضع معه 1/2 كوب ما فقط ونضبط الملج
نغطى الصينيه بالفويل ونحكم اغلاقها ونضعها على البوتاجاز من فوق عشر دقايق وبعدين ندخلها الفرن على نار 220 مئويه
كل نص ساعه تكشفى الديك وتشربيه من السوائل اللى نزلت منه وتقفلى عليه وتدخليه الفرن
ولانك مغلفاه بالفويل والحرارة محكمه عليه
بعد ساعتين ونص اكشفيه خالص واتركيه فى الفرن ياخد لون تحمير من كل الجهات
بعد النضج يترك ليفتر ويقدم دافئا وليس ساخنا
يقطع ويقدم معه الجزر والبطاطس اللى تحتهو ارز بالخلطه
وبالهنا والشفا

اشكرك جدا يا alexess
بس لى سؤال البصل التتبيلة مبشور

حبيبتى طريقه اليكس ممتازه وانا بزيد عليها
زبده طريه وعليها ثوم وملح وفلفل وتحطيها بين الجلد والعظم
لكل الديك بتعطيه طراوه وطعم تحفه ارجو انى اكون افادتك

اشكرك حبيبتى على المعلومة والله الموفق

التتبيله كالاتى بصلتين كبارمبشورين عصير ليمونتين كبار ملعقتين شاى ملح وفلفل اسود وجوزالطيب ويدعك كامل الديك خارج وداخل بالتتبيله ويبات فيها من بالليل
جربيها بيطلع ديك ماحصلش ولحمه بيكون مشتوى جدا ودايب مش بيشد
اهم حاجه انك لا تقطعيه زهو ساخن لكن يقدم ويقطع وهو فاتر
جربيه و ها يعجبك جدا وابقى طمنينا عليكى عملتى ايه مع الديك بتاعك

ان شاء الله اطمنك وتسلمى يا حبيبتى عموما العزومة لسة عليها اسبوع

خلاص ياللا ورينا الهمه وربنا معاكى وانشاء الله تكون ناجحه من ايديكى وعاوزين نشوف الصور ما تنسيش وخصوصا الاخ الديك الرومى
موفقه باذن الله