السلام عليكم وكل عام وانتم بألف خير يا رب

ان شاء الله رمضان يكون خير على جميع المسلمين

الكبـــــــــــــــــــــــــــــة بالصينيــــــــــــــــــــــــة

المقادير

العجينة:

كيلو لحمة هبرة (خالية من الدهون)
كيلو إلا ربع برغل ناعم (أنا خلطت ثلاثة ارباع برغل أسمر مع ربع أبيض)
بصلة كبير مفرومة
مردقوش
بهارات مشكله
قرفة
ملح
فلفل أسود

الحشوة:

لحمة مفرومة
بصلة مفرومة
بهارات مشكله
سماق
صنوبر
قرفة

الطريقة

أولاً اللحمة لازم لما تجيبيها من عند اللحام تكون مفرومة على الناعم 3 مرات

أما اذا جبتيها عندك فممكن أنت تفرميها بمفرمة الكبة ثم تضيفي البصل وتمرريهم بالمفرمة كمان مرة..

البرغل نصوله ونغسله جيداً ثم نعصره من الماء جيد جداً (((لا ننقعه))) وبعدين نضيفه للحمة والبص ونضيف البهارات والملح ونعجن باليد ثم نمررهم بالمفرمة كمان مرة..

ممكن استعمال الكيتشن ماشين بس هي أصولها بالمفرمة وانا كمان بفضلها هيك

اذا لقيتي العجينة غير متماسكة لازم تضيفي الماء البارد من الثلاجة إلى ان تتماسك جيداً.

الحشوة: نقلب الصنوبر بالزيت لحد ما يتحمر ونشيله على جنب..

نضع البصل ونقلبه مع الملح والبهارات ثم نضيف اللحمة ولما تنضج نضيف الصنوبر..

ملاحظة: هذه الكمية كبيرة وممكن تعمليها وتحطي العجينة بالفريزر لحين الإستعمال...

نبلل يدانا بالماء البارد ونأخذ المقدار اللازم ونفرده بقرادة العجين بين كيسين من النيلون (ممكن تفرديها بيداك بس انا هاي الطريقة يلي معتمداها) ..

بعد فرد الطبقة الأولى نضع الحشوة ونفرد الطبقة الثانية..

ثم نقطعها بالشكل يلي ترغبيه ونضع الصنوبر

ندهن الوجه بالزيت ممكن 2 ملعقة كبيرة (ممكن السمن للذين بيفضلوا الدسم ) وندخلها الفرن إلى أن تتحمر...

وهاد شكلها بعد التحمير

وانا أقدمها مع شوربة العدس والسلطةأحياناً أو مع سلطة اللبن بالخيار والسلطة أو الفتوش كمان

وهاد الصحن لأغلى صبايا

وهاد لأول رد

ورمضان كريم وكل عام وانتم بألف خير

لا تنسوني من صالح دعائكم

على طووووووووووول لطشت الصحن انا
الله يرضى عليكي حبيبتي ويخليكي ويسلم دياتك وكل عام وانتم بخيررررررررر

ماشاااء الله
يسلمووا

وانا بعتت اول رد علشان اطمن انا ما حدى اخد حصتي اتااري ام انس سبقتني
صحه وهناا ام انس
ويسلموا ايديك ام ادم
صحن بشهي

كتبت بواسطة تغريد2007

على طووووووووووول لطشت الصحن انا
الله يرضى عليكي حبيبتي ويخليكي ويسلم دياتك وكل عام وانتم بخيررررررررر

انا جبتلك الصحن من عيوني اتفضلي



نورتي الموضوع يا ست الكل

ربي لا يحرمنا من هالطلة الغالية ويشفيك ويهديلك ولادك لكل ما فيه الخير لهم ان شاء الله..

يطول بعمرك وكل عام وانت بألف خير حبيبة قلبي....

كتبت بواسطة سواد العيون

ماشاااء الله
يسلمووا

الله يحفظك حبيبتي سيسي ...منورة غاليتي

يسلموووووووووووووووووووووووو هالايدين
ما شاء الله عليك لبنان
عندك ذوق بترتيب الاكل وأكيد اكل طيب كمان

بارك الله فيك

حلووووووووووووو

تسلم الايادي

ماشاء الله يسلمووووو

يسلمو الأيادي .. ماننحرم من طبخاتك الحلوة يالغلا

يم يم يمممييييي
احلى كبة بصينية
تسلم الايادي المعدلة
مبارك عليك الشهر يعود عليك انت واهل بيتك بالصحة والسلامة والعافية