لمحبى المكرونه

السلام عليكم والرحمه ازيكم وحشتونى جدا

معلش غبت عليكم كتير بس يدوب بدات اظبط امور اولادى والبيت لانى لسه والده من 4 شهور وشويه

معلش هاختصر لانى دى عاشر مره اكتب واروح احمل الصور الاقى الكلام اتمسح ارجع اكتب تانى

هانعمل 4 انواع مكرونه وان شاء الله تعجبكم

00000 مكرونه بالتونه 00000
بصله متوسطه الحجم + 2 معلقه كبيره زيت زيتون او اى زيت بتستخدميه
2 علبه تونه صغيره او واحده كبيره ( نصفى الزيت بتاعها الاول )
صلصه حسب نوع صلصتك وكمان حسب ما تحبيها تقيله او خفيفه
مكرونه حسب اختيارك بس ماتكونش اسباجيتى او تالياتلى( الكميه اللى بتناسبنى لشخصين وطفلين باخد بايدى 6 كبشات )
ملح وفلفل

نقطع البصله مكعبات صغيره مع2 معلقه زيت زيتون فى طاسه على نار هاديه لغايه ما يدبل

البصل ويصفر لونه بس مش نحمره نضع التونه ونقلب دقيقه وهانلاقيها بتتفت لوحدها مع التقليب وبعدين نضع

الصلصه ونقلب شويه ونضع فلفل اسود وندوق الاول ونضع الملح ونتركها تتسبك شويه ونضع المكرونه

المسلوقه ونقلب شويه لغايه ما يختلطوا ببعض كويس ونقدمها وبالهنا والشفا

طعمها جميل جدا بس ماتعمليش جنبها اكل كتير لانها بتملى المعده







اللى جاى مكرونه بالباشميل

00000المكرونه الباشاميل00000

المقادير برضه حسب عدد الاشخاص
اولا نعمل الباشاميل
نضع 2 ملعقه كبيره مليانه دقيق فى معلقه كبيره سمن او معلقتين كبيره زيت ونشوهم شويه ونحط اللبن الوغلى

عليها او شوربه او الاتنين سوا ونقلب بالمضرب السلك علشان ما تكلكعش

ممكن طريقه تانيه ودى انا معتمداها عندى وبنفس المقادير تجيبى الزيت وتقدحيه فى الطاسه ونضع عليه( جيبى

طبق كبير ودوبى فيه اللبن البارد مع الدقيق كويس وضعيهم على الزيت وهدى النار وقلبى بالمضرب اليدوى لغايه

ما يغلى ويتقل وطفى النار ولما يبرد نضع فلفل اسود مطحون ملح وشويه جبنه بارميزان مبروشه و بيضه ونقلب كويس ماشى وده الكل

البشاميل
نعمل العصاج نجيب بصله متوسطه ومقطعه مكعبات ونحمرها فى شويه زيت لغايه ما تصفر وبعدين تتحمر بعدين

نضع اللحم المفروم وشويه بهاراتكم ونقلب تتشوح مع بعض شويه ثم نضع الصلصه ومهم تكون كتيره لانها بتدى

طعم جميل و نحط شويه ميه و نهدى النار لغايه ما تستوى ولازم تكون فيها صوص يعنى ما تشربش كل مايتها ودى الصوره

العصاج

ناخد المكرونه المسلوقه والمصفيه ونضع عليها نصف كميه الباشاميل ونقلب كويس



بعد كده ناخد نصف كميه المكرونه ونضعها فى الصنيه



نضه العصاج عليها



نضع الكميه الباقيه من المكرونه و نضه عليها الكميه الباقيه من الباشاميل ونرش جبنه بارميزان مبروشه وندخلها فرن هار حتى تستوى وتتحمر


التقديم

00000مكرونه بالجمبرى و الخضار00000
مكرونه اسباجتى مسلوقه
2 قرن صغير فلفل اخضر حلو
2 ورق من الخس الاحمر
جمبرى صغير الكميه ممكن طبق صغير ( الصغير خلص من عندى وقطعت الكبير )
طماطم طازه مقطعه مكعبا صغيره + عصير طماطم ( الطماطم دى انا عصرتها وعملتها صلصه بالبيت وطازه وروعه لاتها بتدى طعم تحفه فى الاكل

لذيذه جدا مع وجبه سمك تغير عن الارز مع السمك على طول

نجيب طاسه ونضع بها شويه زيت زيتون وفص توم نضغط عليه شويه بس يكون زى ما هو صحيح لاننا هانرميه

بس هاناخد نكهته و نشوحه شويه فى الزين ونضع فلف اخضر يفضل قرون حسب اختيارك حلو او حار انا باستخدم الحلو ونشوحوا شويه حتى يدبل


نضع الجمبرى ونشوحه برضه شويه



نضع الخس الاحمر ونقلب ونضع الطماطم والصلصه والبهارات والمله وشويه ميه ونسيبها تتسبك



وده بعد التسبيك



ونضع المكرونه المسلوقه ونقلب كويس لغايه ما المكرونه تتشرب الصلصه كويس

ده النيوكى و هانزل طريقته فى قسم المعجنات

بعد ما نسلقه يدوب 4 او5 دقايق ننشله من الميه ونضعه فى العصاج وبالهنا والشفا

انا رايحه انام الساعه عندى 2 ونص صباحه

السلام عليكم

السلام عليكم اختى اولا حمد الله على سلامتك وربنا يبارك فى المولود ويجعله من الذريه الصالحه وثانيا تسلم ايدك يارب انا بحب المكرونه اوى وباذن الله هجرب اطباقك وياريت حته من صنيه المكرونه بالباشميل لانى انا كمان لسه والده من 6 شهور ومعنديش وقت اعملها وجزاكى الله بكل خير

ربي يسلم دياتك عزيزي

مين ما بحب المعكرونة وهي معشوقة الصغار والكبار

يعطيكي الف عافية

ام اسلام الله يبارك فيكى
وحمدلله على سلامتك و سلامه النونو
الصنيه كلها ليكى وبالهنا اى الله معاكى حق مشكله بعد الولاده انك تعملى الاكل اللى زى ده مش حكايه صعوبه لكن تطلعلك مليون حاجه البيبى يبكى و مش عارف مين عايز ايه يالا الحمد لله على النعمه

شهد معاكى حق والله
تسلمى حبيبتى الله يعافيكى

يسلمو اديكي حبيبتي ....
وحمدلله على سلامتك

علشان فيه صور اتحذفت ليه مش عارفه انزلهم تانى

مكرونه بالتونه

روان تسلمى حبيبتى والله يبارك فيكى