₪موضوع متميز₪شوفتوا عملت ايه بلية الخروف المسكينه ؟

**carmen** · 20-08-2008, 04:34 PM

السلام عليكن اخواتى العزيزات
بما انى من عشاق الليه والطبخ بالليه فقررت اوريكم انا عملت ايه
كان عندى ليه خروف فى الفريزر قلت يللا استغلها قمت جبتها وقطعتها اربا اربا

وبعدين حطيتها فى الحله وعليها شوية ميه

وهنا بعد ماسبتها على النار شويه

واهى ابتدت تتحول الى سمنه وااااااو

وهنا خلصت خلاص وسبتها شويه وبعدين دخلتها الثلاجه تتجمد علشان اعرف افضيها فى اكياش او برطمانات واشيلها فى الفريزر لوقت الاستخدام

وادى اول استخدام
المحشى الفظيع بلية الخروف :
طبعا كلنا عارفين طريقة الخلطه بتاعة المحشى
انا باعملها بالنظر بس طبعا مكوناتها كالأتى:
بصل
طماطم مقطعه صغير جدا
خضره( شبث وكسبره وبقدونس )
رشة نعناع
أرز مغسول
ملح وفلفل
سمن
والزيادة لية الخروف اللى جهزتها للإستخدام قبل كده
الطريقه بأه :
يقلب البصل أولا بالسمن حتى يصفر

وبعدين تضاف الطماطم

وبعدين نحط الليه الفظيعه

وادى الخضره المقطعه

وبعدين الملح والفلفل والتقليب المستمر

وادى الرز المغسول وعليه رشة النعناع

وادى محشى الكوسه والفلفل الرومى

وادى محشى ورق العنب

وطبعا نسويه كالمعتاد بالمرقه والصلصه
وادى طبق ورق عنب بألف هنا اما الفلفل والكوسه فأخدتهم معايا زياره لناس أصحابى وسويته عندهم وانكسفت اصور وانا عندهم بس ممكن تتخيلوا الطعم والريحه كانوا عاملين ازاى ، وااااااااااااو

وادى تانى استخدام
طبق فول معتبر بالليه برضه
والمقادير
فول مدمس
ثوم مفروم
طماطم مقطعه صغير
زيت
لية خروف مجهزة

والطريقه
الأول الليه فى الطاسه

وبعدين عليها شوية زيت وعلى النار

وبعدين الثوم المفروم حتى يحمر

وبعدين الطماطم المقطعه حتى تذوب قليلا

وبعدين الملح والفلفل

وبعدين الفول

وادى طبق الفول العظيم بالليه والف هنا

**mamaaa** · 20-08-2008, 04:51 PM

تسلمى يارب عارفة انا بفرمها واكيسها فى الفريزر واخد منها على الحواوشى بيبقى رائع

**noorelhoda** · 20-08-2008, 05:05 PM

بصى بقى انا خلاااااااااااص ريقى جرى خلاص
انا بمووووووووووووت فيها
طب اعمل ايه بقى دلوقتى
ههههههههههههه ثم ان شكلى بتوحم ينفع كده
شكرا للافاده اختى

**yola** · 20-08-2008, 05:21 PM

تسلم ايدك روعة

**carmen** · 21-08-2008, 12:23 AM

mamaaa جربى كمان تسليها زى ماعملتها انا وبعدين استعمليها فى اكلك حاتلاقيها جناااااان وبألف هنا وشفا
noorelhodaتعالى اتفضلى معايا طبقين محشى وطبق فول بدل مالواد يطلع فى خده حتة ليه وتسلميلى على ردك
yola تسلميلى ياجميله

**((أم حيدر))** · 21-08-2008, 04:16 AM

نصيحة ياأختي اللية ضارة بالصحة لأن دهونها مشبعة ..

أستخدمي الزيوت النباتية بالأخص زيت الزيتون وعباد الشمس ..

ولاتخلي الطعم على حساب صحتك وصحة عائلتك الله يبارك فيكِ

**carmen** · 21-08-2008, 10:27 AM

شكرا على نصيحتك ياأم حيدر بس مايمنعش من حين لآخر الواحد يلخبط شويه ويتمتع بالطعم..... وتسلمى

**shahed60** · 21-08-2008, 11:22 AM

الف شكر حبيبتي ما شاء الله عليكي
وانا بحب احميها ع النار ورشها على وجه الفريكة المفلفلة وحتى منستعملها بنوع من انواع الكبة مممممممممممممممم

بعدين ستي وجدي ما صار عليهن شي الواحد ياكل بعقل وان شاء الله مافي ضرر
واكيد اذا الواحد كتر منها في ضرر واي شي بزيد عن حده بيقلب ضده

يسلمو يا عسل وننتظرالمزيد من طبخاتك المميزة