ليه هيك بسير باللبن؟؟؟

السلام عليكم,معلش عندي سؤال ازا حد بقدر يساعدني ما شاء الله كلكم طباخات ماهراتانا لما اعمل كوسا بلبن او شيشبرك اللبن بس اسقط الكوسا او العجين بيفرط معي ما بعرف ليه مع انو لبن المنسف ما بفرط معي!!شو ممكن اعمل حتى ما يفرفط اللبن؟؟والف شكر مقدما

أهلين حبيبتي

اتفضلي هاد الرابط فيه الكوسى باللبن مع طريقة طبخ اللبن وبالنسبة للصور بالصفحة الاولى طايرين بس انا منزلتهم من تاني بالصفحات الاخيرة

كوسى بلبن (زبادي) من مطبخ لبنان...مع طريقة طبخ اللبن لاستعماله في كل الطبخات(بالصورة)

اي سؤال انا جاهزة

موفقة

الله يسعدها لبنان كفت وفت اسمعي منها وما بتندمى الله يرضى عليها

شكرا الك كتير لبنان ما شاء الله كل اكلك بشهيوكمان تغريد ما شاء الله فنانة ودايما بتابع طبخكم,بس انا بدي اللبن بدون بيض...جوزي ما برضا ياكله...كيف ممكن ما يفرط؟؟لانو بالاول بكون ماسك وبس اسقط الكوسا بيفرط

حبيبتي انا بالزبط مش عارفه كيف طريقة طبخك بس انا مثلا بغلى اللبن لوحده مع التحريك
المستمر وبذوب ملعقة نشا بضيفها على البن مع التحريك
هسا لما بدير اللبن على الشوربه كمان لازم تكون تغلى وببلش اصب اللبن شوى شوى على الشوربه مع التحريك المستمر
دايما لا تحطى شوربه بارده على سخنه مره وحده خلى الجهتين سخنين
والله انا هيك بعمل بس انا بستعمل اللبن الكشك حبيبتى ما بعرف انت شو بتستعملى
وما بغير الكشك اذا بتعرفيه
ان شاء الله يزبط معك يا عسل
اتمنالك التوفيق

يسلمو تغريدانا بخلط لبن بارد مع ميه ومعلقة نشا بالخلاط بعدين بحطه ليغلى وبحط فيه الكوسا عكل تسلمي وشكرا الك

يسلمو تغريدانا بخلط لبن بارد مع ميه ومعلقة نشا بالخلاط بعدين بحطه ليغلى وبحط فيه الكوسا عكل تسلمي وشكرا الك

حبيبتي هون غلطتك اللبن لا تضيفيله المي لحتى تحركيه ع النار بس حطي اللبن والنشا وضلي حركيه لحتى يغلي بعدين ضيفيله الي بدك اياه بالتدريج وبالنسبة للكوسا انا بدير اللبن ع طرف وبكون جهزت الكوسا بالطنجرة الاصلية الي رح اطبخ فيها لمحشي بضيف اللبن على االكوسا هيك اضمن وممكن تستغني عن البيضة ولو انها بتمسك اللبن اكتر بس استعملي البديل والي هو النشا
بس اهم الشي احركي اللبن ع النار لوحده مع النشا لحتى يغلي بعدين ضيفي المي وممكن هيك توفري ع حالك جلي الخلاط لاني ما رح تحتاجيه