بسم الله الرحمن الرحيم
السلام عليكم ورحمة الله تعالى وبركاته
العنوان غريب ما هيك
بس العنوان بيدل على المقال مثل ما بيقولوا
هالصينية صار لي حوالي أسبوعين عاملتها بس بصراحة هلأ لحتى عرفت نزلها
هالصينية أول شيء بحب أقول لكم أنني قد أتيت بها من قناة فتافيت وأضفت لها بعض الاضافات
حسب المتواجد في مطبخي
نبدأ بالمقادير بسم الله
سمكة كبيرة من أي نوع تحبون
بصراحة زوجي جاب سمكتين شعري من الحجم الكبير بس الصينية عندي ما وسعت
غير واحدة فقط فاكتفيت أعمل واحدة فقط
- زيت نباتي حوالي ملعقتين إلى ثلاثة ملاعق طعام كبيرة
- ملح (حسب الرغبة)
- فليفلة حمراء ناعمة يابسة (حسب الرغبة)
- بهارات مشكلة (حسب الرغبة)
- كاري (حسب الرغبة)
- صلصة كيكومان (ترياكي) (خاصة للسمك والمشويات)(حوالي نصف فنجان قهوة)
هيدي صورة الصلصة يمكن الاستغناء عنها
بس من لما صرت ساوي السمك بها لم أعد أقدر الاستغناء عنها لأنها تعطي طعم رائع للسمك المشوي
- عصير ليمونة واحدة
- 5 فصوص ثوم كبيرة ثوم (الكمية حسب الرغبة) (بس أنا بحب الثوم مشان هيك بكتر منه)
- ملعقتي طعام كبيرة من العسل
- بندق حبة صحيحة
الطريقة::
في الخلاط نضع كل من
العسل - صلصة ترياكي - الثوم - البهارات - الفليفلة المطحونة - الكاري
عصير الليمونة - الزيت النباتي
ونخلط حتى يطحن الثوم جيداً
ونبدأ بتوزيع الخلطة على السمك
لا تنسوا أن تضعوا القليل من الخلطة داخل السمكة كمان
نلف وجه الصينية بورق القصدير ويتم عمل ثقوب بالقصدير
نضع الصينية بالفرن حتى تستوي السمكة
وخلال هالوقت نكون قد وضعنا البندق بالطاحونة
ونطحنه ناعماً
حتى يصبح بهالشكل
ثم نرشه على السمكة فور خروجها من الفرن
وهيدي صورة سفرتي مع سلطة كنتاكي
مع تحياتي لكم وأتمنى أن تكون قد أعجبتكم
الروابط المفضلة