ىا ريت ترجع ايام زمان يا بنات الجد و الجدة و الخال والخالة و العيلة.... كلة كان يتلم في المناسبات و مين يقدر ينسى اكل جدتة ؟؟ دلوقت ........ كل واحد في حالة
فين و فين لما حد يسال فى حد ...... المهم نتيجة الذكريات كانت طبق فتة (شوف الطفاسة) و بصراحة وصفة جدتى اللة يرحمها ما غيرتش فيها حاجة , جوزى مع انة شامى...... بيحب الطبق دة جداااااا
لحمة زى ما انتي عاوزة انا استعملت الريش
راس توم
خل
عيش بلدى
3 عصير طماطم
لسلق اللحم
بصل
لاورا
ملح و فلفل
مستكة
حبهان
سمن بلدي
رز مصرى
نسلق اللحم مع التوابل ثم نصفى المرق
نقطع العيش و نحمصة فى الفرن
نسوي الرز بالسمن و ثلث المرق
نحمر اللحم بالسمن
نضيف المستكة للسمن مكان اللحم ثم الثوم المفري ثم الخل ثم المرق و نضبط الطعم
نضع سمن فى حلة و نضيف 2 فص توم و قليل من الخل ثم عصير الطماطم و نتركها تتسبك
التطبيق
نضع العيش ثم جزء من المرق ثم الرز ثم باقى المرق ثم عصير الطماطم ثم اللحم و نزىن بالبقدونس و بالهنا و الشفا
الروابط المفضلة