السلام عليكم ورحمه الله و بركاته
اشتقت لكم جدااااااااااا جدااااااااااااااااااااااا و لركنكم الجميل
حبيت اشاركم بصنف ممكن ميكنش جديد عليكم لكن طريقتى فيه أقتصاديه جداً و بيعطى كميات كبيرة ممكن يقسم الى أكلات حسب عدد افراد الاسره و ايضا يمكن وضعه فى الفريزر مجهز للاستخدام فى اى وقت و للضيوف المفاجئه (مهتمه انا بالضيوف ) وهو كفته الارز او داود باشا (الباشا حيزعل علشان بنقول اقتصاديه )
و الصنف الاخر صنيه البطاطس الاقتصاديه ولكن حبيبتى الغاليه نور الهدى سبقتنى و قدمتها (بس معلش حقول طريقتى علشان كلنا نستفيد و نغير فى طريقه التقديم)
اولاً كفته الارز
المقادير
نصف كيلو لحمه مفرومه بدون دهون(لحمه حمرررررررررررررررا)
3 بصلات متوسطين مفرومين او مبشورين
5 او 6 فصوص ثوم مهروس
حوالى 1 كوب او اكتر دقيق الارز (ارز مغسول و مصفى حتى ينشف ويطحن حتى يكون ناعم جداً جداً)
باقه بقدونس و شبت و نعناع اخضر مفرى (ممكن نعناع ناشف)
ملعقه صغيره كمون ناعم
ملح وفلفل و جنزبيل بودر
زيت للقلى
الطريقه
نضع جميع المقادير مع بعضها ونقلبهم
ثم نضعهم فى الكبه او الفود بروسيسور او المفرمه و نفرمهم مره اخرى ستصبح عندنا عجينه طريه نضعها فى التلاجه حوالى ساعه
نحضر صنيه كبيرة و ندهنها بالزيت الخفيف و نبدأ فى تشكيل الكفته كور صغيره جدا فى حجم البندقه و اذا وجدناها تلزق فى اليد ممكن ندهن يدنا بالزيت و نشكلها سنجد عندنا الكميه اصبحت كبــيـــــــــــره
نقلى الكفته فى زيت عميق حتى يكون لونها ذهبى غامق و ننشلها فى مصفاه حتى تتخلص من الزيت
(ممكن بعد ما تبرد نضعها فى الفريزر فى اكياس او اطباق فوم مقسمه حسب الرغبه)
مقادير الصلصه
كميه من التوم المفروم
عصيرطماطم و معاه ملعقه صلصه
الطريقه
نضع الزيت و معه التوم على النار حتى يشقر التوم و يصبح ذهبى نضيف الطماطم و الصلصه و الفلفل و الملح الخفيف و تترك حتى تتسبك
ثم نضيف لها حوالى كوب من الماء وعندما تغلى نضع الكفته و نتركها تغلى غلوتين وبس مش كثير
وتغرف فى طبق عميق او اطباق صغيره و احنا نقدمها مع الكسكسى دائما
ولكن ممكن تقدم مع الارز الابيض او الارز بالشعريه وايضا مع المكرونه
ثانياً صنيه البطاطس
بطاطس مقطعه حلقات
بصله كبيره مبشوره
4 فصوص توم مقطعه
2 ملعقه صلصه
مكعب ماجى
ملح و فلفل و جنزبيل بودر
حلقات طماطم
فلفل اخضر
2 ملعقه زيت
الطريقه
نقلب جميع المقادير مع بعض معدا حلقات الطماطم والفلفل الاخضر و نرصها فى قالب بيركس حلقات البطاطس فوق بعضها البعض و نضع بينها حلقات الطماطم و الفلفل بهذا الشكل
و نضع عليها الماء الكافى لتغطيتها و ندخلها الفرن حتى النضج و اذا احتاجت ماء نضيف لها وهذا شكلها بعد النضج
اتمنى اكون وفقت فى الشرح و مكنش طولت عليكم
اتمنى تجربوا طريقتى ان شاء الله تعجبكم
اترككم فى رعايه الله وامنه
ولا تبخلوا عليا بالدعاء أكرمكم الله
الروابط المفضلة