السلام عليكم يابنات .. وكل سنة وانتم طيبين بمناسبة شهر رمضان المبارك .. ويارب بالخير عليكم وعلى اهلكم واولادكم والمسلمين اجمعين يارب

طبعا من غير ماطول عليكم كلنا بننتظر شهر رمضان بفارغ الصبر عشان نحاول نمحى الذنوب والاخطاء اللى عملناها .. وبنحاول نكرس كل وقتنا للعبادة والطاعة لعل الله يتقبل منا ان شاء الله .. لكن فى النص بيدخل الطبيخ والغسيل والاولاد ............ الخ

انا ان شاء الله ححاول اقولكم الحاجات اللى انا بعملها اللى بتوفرلى فى الوقت .. ودلوقتى حبدأ بالطبخ وحعمل مواضيع اخرى للبيت وللنظافة والغسيل والاولاد ..... الخ ... وحاولت انى ادعم لكم المواضيع بتاعتى كلها بصور من النت فا بذلت مجهود جبار عشان خاطر عيونكم واتمنى انكم تفرحونى بردودكم

مع العلم ان الموضوع من مجهودى الشخصى وان الاصناف كلها من تجربتى الشخصية

اولا بالنسبة لطريقة تجميد الاكل انا بالنسبة لى بحب اطبخ الاكل طازة مش بحب تجميد المكرونات والحاجات دى يعنى ممكن افرز بعض الاشياء الا وهى :-

اولا / البصل

تجيبى البصل وتقشريه



وبعدين تفرميه



وبكدة البصل يبقى جاهز انك تعبيه فى اكياس وتحطيه فى الفريزر وتاخدى منه وقت متحبى بدون فرم ووجع دماغ وغسيل المفرمة كل شوية .

ثانيا / الثوم

تجيبى كمية ثوم كثيرة وتقشريه ويستحسن ان يكون الثوم من الحجم الكبير حتى يسهل تقشيره



وبعدين تفرمى التوم ومعاه شوية زيت وقليل جدا من الملح .. ويعبأ فى اكياس ويوضع فى الفريزر ويستخدم مثلج اذا كان حيوضع فى الصلصة على الطبيخ .. او ننتظر قليلا بعد خروجه من الثلاجة حتى يفك من الثلج اذا كنا حنحمره فى الزيت مباشرة .. وماتفكوش الكيس كله ناخذ بقدر الاحتياج .. ملئ برطمان صغير مثلا ونضعه فى الثلاجة وليس الفريزر وعندما يخلص نملاه تانى

ثالثا / الطماطم

بنجيب الطماطم ونغسلها كويس اوى وبعدين قطعيها ارباع او انصاص وقليل من الماء واضربيها فى الخلاط ضربا مبرحا ههههه



وبعدين نصفى الطماطم بالمصفاه للأزالة القشر .. ثم نضعها فى حلة على النار الى ان تغلى جيدا جيدا ويتبخر الماء وتصير صلصة بنفس القوام والشكل



ثم ايضا تعبأ فى اكياس او برطمانات وتوضع فى الفريزر .. وانا افضل الاكياس حيث انها لاتاخذ مساحة فى الفريزر اذا وضعت بطريقة صحيحة وكل صنف فوق الاخر على حدا

[/center]

(( يتبع ))

جزاكى الله خيرا والله موضوع مفيد جدا
ومشكورة حبيبتى على المجهود

رابعا / الكوسة ( القرع ))



تغسل جيدا وتشر وتقطع حلقات حسب السمك المطلوب وتوضع فى اكياس فى الفريزر .. على فكرة انا ولا بسلقها ولا بحمرها ولابعمل فيها اى شئ لان كل ده بيغير من طعمها .. ده غير ان حفظها فى الفريزر حيطريها شوية فا الموضوع مش محتاج اننا نسويها قبل الحفظ

خامسا / القطايف



انا بجيب القطايف جاهزة من المخبز توفيرا للوقت والمجهود .. اما اللى عايزة تعمل العجينة بنفسها فالموقع ملئ بالطرق الصحيحة وان شاء الله تقدروا تعتمدوا اى طريقة منهم

ممكن تحشى القطايف باى حشوة تحبيها لكن انا افضل حشوها بالسودانى المفروم خشن ومضاف له السكر والزبيب فقط والطعم والله ولا اروح احسن من المكسرات كمان لان السودانى ليه طعم مميز جدا .. المهم بعد ذلك بنحشى القطايف ونغلقها بهذا الشكل



ثم نضعها فى اكياس فى الفريزر ووقت مانحب ناكل منها بنطلعها مباشرا من الفريزر على الزيت حتى يصبح لونها ذهبى .. ثم نضعها على ورق نشاف ولانضع عيها عسل او قطر او اى شئ لان يكفى بداخلها سكر و زبيب وهما كافيان لتحليتها .. وبالهنا والشفا



سادسا / البطاطس المحمرة

نسيت اكتبلكم البطاطس كويس انى افتكرت .. انا بجيب بطاطس كتير اوى يعنى ممكن 3 او 4 كيلو



ثم تقشر البطاطس وتغسل ثم تقطع الى شرائح وتقلى فى الزيت نصف قلية .. ثم توضع فى اكياس وتوضع فى الفريزر وعند الاستخدام توضع وهى مثلجة شرط الزيت التى سوف تقلى فيه يكون ساخن




(( يتبع ))

جزاكى الله خير
لكن اليصل و التوم ينع نحطهم ى الريزر من غير ما يزروا او يخريوا ؟؟؟؟

جوزيتي كل خير عزيزتي وبأنتظار تكملة الموضوع وسيثبت للأستفاده منه

جزاك الله خيرا على الموضوع اختي الحبيبة

ما شاء الله عليك

روعه جدا ماشاء الله

كلنا محتاجينه بارك الله فيكى

http://www.lakii.com/vb/showthread.php?t=330560

ما شاء الله ملف رائع وقيم
اريد اضافة هذا الموضوع به مجموعة من الاشياء التي نقوم بتخزينها
الله يعطيك الف عافية

موضوع مفيد جدا ويهمنا كلنا
بس ممكن سؤال عن البصل
لما تفروميه وتحطيه كده من غير اى تشويه فى الزيت
طعمه ميغيرش؟
وجزاك الله كل خير عنا
وتسسسسلم الايادى

افكار جنان فعلا وتوفر وقت طويل انا بحفظ الطماطم فعلا و التوم بس اول مرة اعرف ازاى ممكن احفظ البصل و البطاطس تسلمى حببتى شكرا جزيلا لكى وفى انتظار الباقى