₪طبق متميز₪صينية البطاطا الملونة من مطعم عروس دمشق... بالخطوات المصورة
بسم الله الرحمن الرحيم
السلام عليكم ورحمة الله تعالى وبركاته
بدي فسر لكم عنوان الموضوع بالأول
هيدي الأكلة كتير بساويها من زمان بس مرة كنا أول ما انتقلنا للشارقة
طبعاً ما بإمكان الواحدة تطبخ ولسه منتقلة أول شيء
مشان هيك راح زوجي واشترى أكل من المطعم
وكان أن أشترى صينية بطاطا بالفرن بس كان فيها إضافات عن الصينية اللي بعملها
وطبعاً أخذت الإضافات اللي عجبتني وضفتها للي بعملها
وكانت الإضافة الوحيدة هي عصير الليمون
وسبب التسمية من مطعم عروس دمشق لأنه زوجي اشتراها من مطعم عروس دمشق
وهو مطعم مشهور بالشارقة كتير مشان هيك عطيت العنوان هالتسمية
المهم هالوصفة كتير بحبها لأنها سهلة
وكتير بعملها أيام ما بكون فاضية أو ما عندي وقت للطبخ اللي بده وقت كبير
وبعتني أنه مكوناتها تكون عندي متوفرة بالمطبخ دوماً
في حال ما كان عندي وقت مباشرة أعملها ولا تأخذ مني أكثر من نصف ساعة
وهي أكلة لذيذة كتير وخفيفة وعدا عن ذلك مستحيل ما في كبير ولا صغير إلا سيحبوها لأنها لذيذة
بسم الله نبدأ:
نأتي بصينية فرن غير لاصقة يعني مثل تيفال مثلاً
ندهن الصينية حوالي ملعقة إلى ملعقتين سمنة ونوزعها
نقطع البصل دوائر بعد تقشيره
ونوزعه وهو بشكله في الصينية
ثم نقطع البطاطا بعد تقشيرها أيضاً بشكل دوائر
ونوزعها بالتساوي فوق البصل
هون نأتي للإضافات الاختيارية
نقطع جزر بشكل دوائر أو أنصاف دوائر غير ثخينة ونفردهم فوق البطاطا والبصل
وبالإمكان إضافة بندورة مقطعة بشكل دائري
بس هالمرة ما ضفتها ولكن أحياناً أضعها
بعدين نأتي بأفخاذ الدجاج ونوزعها فوق الجميع
طبعاً يمكن وضع أي جزء من الدجاجة بالصينية يعني مثلاً صدور دجاج
ونضعها وهي نيئة لا تخافوا حتستوي بسرعة بالفرن من دون سلقها
كنت بسلقها بالأول بس لما صرت أضعها من دون سلق وهي نيئة طلعت أطيب
وفيها نكهة أكثر
ونأتي بالبهارات التي سنضعها والملح
بصراحة بحب أستعمل كاري وبهارات مشكلة
ونضع البهارات في مصفاة الشاي ونبدأ بهزها فوق الجميع
بصراحة أنا حتى بحط الملح بالمصفاة وأهزه حتى يتوزع كمان
بيطلع الشكل أحلى عدا عن أن البهار سيوزع بشكل رائع ومتساوي
نضع القليل من الماء بحيث يصل مستوى الماء لنصف المكونات التي بالصينية
نغطي الصينية بورق الألمينوم بشكل جيد
ونعمل بالسكينة ثقوب بورق الألمينوم
نضعها بالفرن على درجة حرارة متوسطة لتستوي على مهلها
عندما نجدها قد استوت
نرفع ورق الألمينوم كلياً
ونشغل الفرن من فوق حتى تحمر قليلاً وتصبح بهالشكل
ما تقولوا لحالكم ليش مقللة لحمة
لأنه زوجي عامل اضراب على اللحمة بأنواعها
المسكين طلع معه الكوليسترول عالي من فترة مشان هيك مقاطع اللحوم
يعني باختصار ما حدا بده ياكل لحمة غير أنا وابني مشان هيك اختصرت كمية اللحمة
وتفضلوا أحلى صحن مباشرة من الصينية وهي ساخنة
وهي الصحن كمان صورة من زاوية ثانية
رح تقولوا شو هيدا اللي بجانب البطاطا
هيدي سلطة كنتاكي حتلاقوها على الرابط التالي وبصراحة ما تكتمل صينية البطاطا من دون سلطة كنتاكي
رابط سلطة كنتاكي
رد مع الاستدلال
كتبت بواسطة أم شادى
الروابط المفضلة