مكرونة فزيولى مع كفتة سريعة
*****
اخواتى العزيزات اليوم حابة انزللكم اول موضوع لى فى قسم الطهو وكان نفسى تبقى حاجة جديدة ولكن اظن ان كتير مننا بيعملها وخصوصا انها سهلة واقتصادية بس على الرغم من كده انا اردت انزلهالكم بطريقتى الخاصة عساها تعجبكم
الاكلة هى مكرونة فزيولى مع كفتة بالفرن
ودى مقادير الكفتة
500جرام لحم مفروم
2بصلة مبشورة ناعم
1طماطم
2بيضة
3ملاعق كبيرة بقسماط ناعم
حزمة بقدونس مفروم ناعم
توابل منوعة (ملح وفلفل وبهارات -روز مارى-زعتر-قرفة)من كل نوع تقريبا نصف ملعقة صغيرة ولو تحبيها حارة ممكن تستخدمى قرن فلفل حار
والطريقة
نخلط جميع المكونات مع بعض ونتركها فى الثلاجة مدة ساعة تقريبا...ثم نقوم بتشكيلها مثل الاصابع او الكرات
ونضع عليها من اعلى ملعقة زبدة او دهن غنم لو اللحم بدون دهن بيعطيها ريحة طيبة...ثم نضعها فى الفرن وتكون جاهزة بعد 15 دقيقة تقريبا
ودى صورتها قبل دخولها الفرن وسامحونى انى ما صورت خطواتها كلها عشان انا اخدت قرار التصوير بعد اما قمت بتصبيعها
وده شكلها النهائى بعد التسويةوتزين بالبقدونس المفروم وقطرات المستردة
اما المكرونة فمقاديرها كالتالى
كيس مكرونة 500 جرام وانا افضل الفزيولى او الاسباجتى وطبعا تنفع باى نوع تفضليه
حوالى 3ملاعق زيت زيتون
توابل (ملح وفلفل )وممكن روز مارى او بهارات ايطالية بتكون الذ بس المرة دى ما كان عندى
ولو بتحبى الاكل حار ممكن شوية هوت صوص حسب الرغبة
1بصلة صغيرة مقطعة صغير
قرن فلفل اخضر مقطع صغير
نصف لتر عصير طماطم حوالى 4 حبات كبيرة
5 حبات مشروم ابيض مقطع
حوالى نصف كوب زيتون مخلل اسود او اخضر مقطع
الطريقة
يتم سلق المكرونة بالطريقة العادية فى ماء وملح وشوية زيت عشان ما تعجنش وبعدين نصفيها وده شكلها بعد التصفية من الماء
ونقوم بوضع البصلة المقطعة مع الزيت على النار حتى تصفر ثم نضيف الفلفل الاخضر ونقلب لمدة دقيقة ثم نضع المشروم والزيتون ونقلب حوالى دقيقة تانية واخيرا نضيف عصير الطماطم والتوابل ونتركها حتى تتسبك ويتبخر الماءوده شكلها بعد وضع الطماطم
ثم تطفى النار ونضع المكرونة ونقلب برفق حتى تتجانس معا
وده بيكون شكلها النهائى وتتزين ببقدونس مفروم وجبن شيدر او برميزان مبشورة
وانا قدمت جنبها طبق باذنجان ابيض مخلل
وده شكل الثلاثة مع بعض
اتمنى يعجبكم
الروابط المفضلة