ممكن يا اخواتى كل واحده منكم تكتب لينا طريقتها فى حفظ الخضار والفاكهه والعصائر فى الفريزر
لانى محتاجه اعرف واستفيد منكم
|
للبحث في شبكة لكِ النسائية:
|
النجم الفضي
ممكن كل واحده تكتب لينا طريقتها فى حفظ ؟؟؟
ممكن يا اخواتى كل واحده منكم تكتب لينا طريقتها فى حفظ الخضار والفاكهه والعصائر فى الفريزر
لانى محتاجه اعرف واستفيد منكم
النجم الفضي
اهلا سارة ...فينك من زمان من ساعة موضوع بتقضى يوم الجمعة ازاى مش شفتك يا قمر
بصى يا ستى الخضار بنضفه و اغسله و اكيسه...و ساعة الطبخ انزله على الصلصة على طووول
ممكن تشطفيه بماء ساخن فى مصفاه و بعدها مية باردة قبل ما تحطييه على النار بس بصراحة ساعات
بنزله على النار على طووول لانى بكون غسلته قبل التفريز
بالنسبة للفواكه ..الفراولة بغسلها و اشيلها فى الفريزر بس هى بتطرى اوى لما تطلع منه بعملها مربى
او على النار بتبقى صوص على الزبادى او سلطة الفواكه....
المشمش بنصصه و احطه على النار فى شوية ميه و بعد ما يبرد بشيله فى الفريزر
بعمل منه مشمشية فى رمضان لما يفك التلج عنه اضربه فى الخلاط و احط له نشا زى قمر الدين
المانجو بقطعها و احطها فى علب و بطلعها على الخلاط بتبقى عصير جميل و كمان الليمون...
بشيله مكعبات فى الفريزر
================================================== =======
اهم حاجة بشيلها فعلا التوم بشترييه اخضر اول ما يطلع و اشيل القشرة الخارجية و افرمه فصوص و اشيله فى
اكياس فى الفريزرو افردها بتكون رفيعة و مش بتاخد مكان...و لما احتاجه اقطع حتة من الكيس
و ريحته بتكون جامدة كانه طازة و ريحته بتكون جامدة....
ده اللى فاكراه دلوقتى طولت عليكى يا جميل و لو عاوزة حاجة ابعتيلى و انا فى الخدمة
النجم الفضي
انا بحفظ الخضار زي البسله والباميه مثلا بشيل القشر او الاقماع في الباميه وبغسلها كويس وبعدين بسخن ميه ولما تغلي اضيف نوع الخضار واسيبه يغلي شويه وبعدين افرغه فمصفاه تحت ميه الحنفيه ولما يبرد اقسمه فأكياس وفي الفريزر..ورق العنب والكرنب نفس الطريقه بس يدوب انزله ميه مغليه وارفعه اول ما لونه يغير وبعدين احطه تحت الحنفيه وقبل ما تحطيه فالكيس رصيه فوق بعض ورق مفرود علشان ميتعبكيش لما تيجي تستخدميه..الملوخيه بعد ما تتغسل وتتخرط اغلي ميه علي قد كميه الملوخيه يعني لو لفردين مثلا يبقي كوب ميه ولما تغلي الميه اضيف الملوخيه واسيبها تبرد وبعدين احطها فالكيس..الفاكهه بقي عادي بغسلها وبقطعها وارصها في الاكياس بس اضغطي عليها تكون مسطحه علي قد ما تقدري علشان متخدش مكان وتكون سريعه الذوبان
النجم الفضي
السلام عليكم اختى نوركتبت بواسطة نور تقية
انا فعلا غبت عن المنتدى فتره طويله والحمد لله رجعت تانى
المهم اشكرك على ردك وفعلا افكارك حلوه استفد منها وان شاء الله بطبقها وخصوصا ان احنا قربنا على رمضان ومحتاجه اخزن شويه حاجات فى الفريزر
بس يا ترى بالنسبه للفاكهه يستحسن اشيلها مقطعه ولا اعملها عصير احسن واعبئها فى زجاجات بلاستك واحطها فى الفريزر
يا ترى ايه رأيك
النجم الفضي
اشكرك اختى
وجزاكى الله خير على ردك
النجم الفضي
ها فين باقى الاخوات يقولوا لنا عن طريقتهم وسر تخزنهم للخضار والفاكهه
يالله عايزين تفاعل اكتر
المرفق 91092
آخر مرة عدل بواسطة ساره وجيه : 10-07-2008 في 11:00 AM
النجم الفضي
بصى انا بشيلها صحيحة و ساعة ما اطلعها ازود لها مية و سكر فى الخلاطبس يا ترى بالنسبه للفاكهه يستحسن اشيلها مقطعه ولا اعملها عصير احسن واعبئها فى زجاجات بلاستك واحطها فى الفريزر
يا ترى ايه رأيك
متهيالى لو شيلتها عصير طمها ممكن يغير !!!
عضو نشيط
السلام عليكم
سأقدم لكم طريقتي:
الخضر:
الجلبان، اللوبيا (الفاصوليا) (اقشرهما وبدون غسلهما أضعهما في بلاستيك أبيض ومباشرة في المجمد، وعند الاستعمال اغرجها في آخر لحظة وأغسلها جيدا ومباشرة فوق النار
الطماطم: أقشرها ثم أطحنها وأضعها في بلاستيك ومباشرة في المجمد (للصلصات) البيتزا أو العجائن
الفراولة: أغسلها جيدا وأضعها فوق صينية داخل المجمد بعد ساعة أو ساعتين أخرجا وأضعها في الأكياس المخصصة لذلك
الحلويات: داخل علب بلاستيكية وفي المجمد
العجائن: مثل مثلثات محشوة أو بسطيلة...أضعها في صينية مدة ساعتين وبعد ذلك داخل علب بلاستيكية
النجم الفضي
جزاكى الله خيرا كثيييييييييييييرا
النجم الفضي
جزاكى الله خيرا كثيييييييييييييرا
أعضاء قرؤوا هذا الموضوع: 0
رد مع الاستدلال
الروابط المفضلة