انا عندى مشكله وطالبه من الشيفات ستات البيوت الجميله
تساعدنى فيها



انا بوتاجازى 4 شعله ومش بعرف احط صنيتن فيه لازم واحده واحده
وكده بتاخر فى اعداد الاكل وخصوصا لو عندى ضيوف وممكن تكون واحده بردت واحده سخنه

انا بفكر اشترى فرن كهرباء يساعدنى بس مش عارفه هل ينفع اسوى الصوانى فيه والا لا
والميكروويف ينفع فى موضوع التسويه
واعمل ايه لو عايزه احافظ على الصينيه سخنه
معلش طولت عليكم بس انا عايزه الحل منكم عشا الحق اشتريه واظبط قبل الشهر الكريم اعاده الله على امه محمد بخير


عندى سؤال كمان ما هو السميد
هو دقيق البسبوسه والا حاجه تانيه

وشكرا

الفرن ممتاز مريح جدا وحيخليك تطبخي بمزاج بالنسبة للمايكرويف يستخدم للتسخين وبعض الاكلات الخفيفة تظبط عليه
السميد هو الي قلتي عليه

شكرا لكى حبيبتى
اسمك حلو اووى
وتقدرى تاعدينى باسم ماركه كويسه للفرن

سلمى حبيبتى........أنا عندى فرن kumtel التركى و هو ممتاااااااااااااااااااز للتسوية أو التسخين,لكن بلاش تستعمليه فى المخبوزات,فرن البوتاجاز نتيجته أحسن.
السميد هو دقيق البسبوسة و بيتقال عليه كمان دقيق سيمولينا

السلام عليكم ورحمه الله وبركاته
حبيبتى الفرن للتسويه انا معنديش فرن بس كتير من صديقاتى بيستخدموه
واليكى بعض الانواع التى يستخدموها صديقاتى
black and daker
سامسونج
باناسونيك
جنرال اليكتريك
الميكروويف للتسخين فقط ويجب ان يكون كبير هذا لو اردتى تسخين الصينيه باكملها
بالنسبه للسميد
فهو السيمولينا او دقيق البسبوسه وفيه منه الناعم والخشن
ارجو ان اكون افادتك

حبيبتي ا لفرن رائع جدا
أنا فرني 6 رووس وتحته فرن للصواني
وتحته درج بيحفظ الطعام ساخن وأنا وقت العزائم بلف الصينية بورق القصدير وأضعه في هذا الدرج وأكون قد وضعت صينية أخرى في الفرن وهو رائع أيضا للمعجنات والحلويات
ونصيحة جيبي راس بيشتغل على الكهرباء عندما تنقطعي من الغاز

ملاحظة اسم فرني:INDESIT

شكرا على مساعدتكم