السلام عليكم
اليوم عملت هذي الطبخة للغدا اخذتها من منتدى ثاني بس مع بعض التعديلات مني اول شي راح انزلكم طريقة الاخت مثل ماهي كاتبتها بعدها اقلكم تعديلاتي
طريقة الاخت العزيزه الله يجزاها خير
المقادير :
كيلولحم بعظم / بصل مقطع جوانح /3 بطاطس مقطعة مكعبات / راس ثوم مقطع شرائح / بازلاء مجمدة
صلصة / ملح / قرفة / كمون / فلفل أسود / كركم / بهارات لحم / ورق غار / عصير ليمون / خل أبيض
رز بسمتي مغسول ومنقوع / أكياس شوي خاصة بالفرن
الطريقة :
نضع ملعقتين صلصة وعصير ليمونة وملعقة خل وملح وقرفة وكمون وفلفل أسود وبهارات لحم وكركم
وورق غار وشرائح الثوم في زبدية و نخلطهم مع بعض زين ثم نضيف قطع اللحم ونحركهم في التتبيلة
ثم توضع في كيس الشوي ونربطه وتوضع في صينية وتدخل الفرن ( ممكن نتبل اللحم من الليل أو قبل الطبخ
بساعتين) تاخذ لها ساعة ونص الى ساعتين في الفرن
نحمر شرائح البصل في الزيت حتى يحمر نضع في الخمس دقائق الأخير كاس بازيلاء مغسول ومشخول من الماء
ويشوح مع البصل وبعد مايخلص نتركه جانباً
نشوح مكعبات البطاطس في بيالة زيت على نار هادية لمدة ربع ساعة مع تغطية الطاوه ونحرك كل خمس دقايق
ثم نطفي النار وتترك مغطاة وتكمل استواء عالحرارة بعد ماتخلص مكعبات البطاطس نضيف عليها خلطة البصل والبازيلاء ونحط ملعقة قرفة وملعقة كركم ونحركهم
نسوي الرز الأبيض بالطريقة العادية وبعد ماتنشف الموية ويستوي الرز نضيف خلطة البصل والبطاطس على الوجه
ونكتم القدر شوية حتى ياخذ ريحة الخلطة
نرجع لصينية اللحم ونولع الفرن من فوق عشان يتحمر الوجه وبعدها نطفي والأفضل مانطلع الصينية ولانفتح
الكيس الا بعد مرور عشر دقايق
عند الغرف نشيل الخلطة جانباً ونغرف الرز في الصحن ثم نضع الخلطة على الوجه ونضع اللحم
طريقتي انا:
ماكان عندي اكياس شوي طبخة الحم عايدي بماء ومرق ماجي وبزار هيل وقرنفل وقرفه صحيحه ونص فلفل رومي وعرق فلفل حار
نطبخها الا ان تستوي الحمه ونخرجها ونعمل مثل خلطة الاخت صلصه وليمون وملح وبهار وشوي من مرقة السلق فقط وندهن الحم ونشويهم بالفرن
خلطة الرز نفس خلطت الاخت بس اضفة لها جزر مبشور وصنوبر بعد ماتحمر البصل ورشية عليها كلها بعد ماتخلص صفار زعفران بدل الكركم وملح
وهذا شكلها بعد ماخلصت
طبعا قدمت معاها ايدام مشكل عشان اولادي وسلطة مطحونه
اتمنى تجربوها لانها بتستاهل التجربه
الروابط المفضلة