السلام عليكم يا أغلى صبايا
هالمرة طولت الغيبة عن الركن يلي بحبه... بس مشاغل وتعب الله وحده بيعلم فيها
كتير مشتاقتلكم كتيييييييييييييييييييير صدقوني والحمدلله إني لقيت همة نزل هالموضوع.
بدي أشكر كل واحدة فيكم يا غاليات يلي دعت لآدم وقت وقع..ما بنسالكم ياها ربي يجزيكم كل خير ويحفظكم انتو وأهل بيتكم
انا بجمع بالصور بس ناطرة الفرصة لنزلكم ياهم...
ان شاء الله نبدأ اليوم بأول موضوع وان شاء الله بنزل البقية قريباً
بفتيك بالمشروم
المقادير
بفتيك مدقوقة ورقيقة منقوع قبل بكام ساعة بشوية خل وإكليل الجبل (روز ماري) وملعقة زيت زيتون وملح وفلفل أسود وثوم مقطع..
مشروم (عيش الغراب) طازج
ثوم مفروم
بصلة مقطعة جوانح
فلفل أسود
قرفة
ورقة غار
كام حبة هال
الطريقة
نضع شوية زيت بالمقلاية ونحط البفتيك مع الخلطة واحدة واحدة ونقليه شوي بس ليغير لونه عن الجهتين ونضعهم بصينية البايركس..
بعدين لما نخلص منهم، نقلب البصلة والمشروم المقطع مع رشة ملح (عشان ينزل الماء يلي بالمشروم) وفلفل
ولما يتحمروا نغمرهم بالماء المذاب فيه ملعقة كبيرة طحين وندعهم 3 دقايق يغلوا
بعدين نحطهم كلهم بالبايركس ونخلطهم ونركز الملح ونرش القرفة ونحط الهال وورقة الغار
تابعوني
الروابط المفضلة