صينية الكستاليتة بالخل و الثوم
اخواتي العزيزات هذه الوصفة متوارثة عنا بالعائلة لانه بالعادة بنطبخها بالاعياد لانها بتعتمد على لحمة الخروف, وبتنعمل بكميات كبيرة وما بتاخذ جهد كبير وطعمها لذيذ.
الطريقة:
- لحمة خروف مقطعة قطع حجم متوسط (استخدمت الريش) منظفة من الدهن ومغسولة جيدا و مجففة.
- نضيف لكل كيلو من اللحم فنجان قهوة خل + فنجان قهوة زيت زيتون +ملح + فلفل اسود + قرفة + هيل مطحون +كزبرة ناشفة
- نقطع بصلتين صغار ريش ونضيفهم + 4-5 فصوص ثوم مدقوقين
نترك اللحم منقوع بالخلطة لمدة ليلة كاملة (اذا ما عندك وقت بيمشي الحال بساعتين ,بس زي ما بنعرف كل ما زاد وقت النقع بتطرى اللحمة وبتصير اطيب)
- عند الطبخ نضع اللحمة + الصوص النقع في صينية فرن ونقطع عليها حبة بندورة تقطيع خشن ونضيف كاس ماء ونغطيها بالفويل وندخلها فرن حامي حوالي الساعتين(الريش تاخذ وقت اقل )
- ثم نحمرها من الاعلى بعد التاكد من استواء اللحم
( سيبقى قليل من المرقة المتسبكة على الاخر وطعمتها واااااو ) -تقدم مع الرز الابيض وبالصحة والعافية
ودمتم جميعا سالميييييييين
الروابط المفضلة