السلام عليكم ورحمة الله وبركاتة
اخواتى الجميلات اليوم نفذت مقولة الكفتة بعد تردد من خوفى لا الكفتة تفك منى فى قلب الحلة والاكله كلها تبوووووظ هههههههه وتفشل معى - لكن اختى العزيزة لبنان وحبايبة شجعتنى جد وقالتلى عادى اعمليها بالكفتة وان شاء الله هتنجح وبالفعل اتشجعت وعملتها ونجحت الحمد لله وطلعت شهية جد اجدا - اتفضلو معى بالمكونات والطريقة يا جميلاات
المكونات
ارز مصرى او بسمتى
بزنجان مقطع مكعبات ومقلى
بطاطس مقطعة مكعبات ومقلية
طماطم حلقات
فلفل اخضر حلقات
بصل حلقات - ثوم حلقات
معجون طماطم
لحمة مفرومة متبلة بـــــــ ( ملح + فلفل اسود+ بهارات+بابريكا + بصل مفروم ناعم)
ليمون مجفف ناعم + واحدة كاملة مخرمة بسكين
بابريكا - فلفل اسود ناعم - كسبرة جافة - قرفة عيدان - قرنفل -كارى - كركم - ملح- ورق لورا
معلقة زبدة
ماجى مذابة فى ماء
الطريقة
تكور الكفتة وتقلى فى زيت او تدخل الفرن حتى تكون مشوية ونتركها جانبا
فى الحلة نرص طبقات البزنجان ثم البطاطس ثم البصل الفلفل الثوم الكفتة الطماطم ثم البهارات الصحيحة ثم الارز - ثم نحضر الماجى المذابة فى اناء ونذوب بها شوية معجون طماطم حتى تصري لونها احمر ونتبل بالفلفل الاســـــود ونسقى بها الارز وفى وجه الارز اضع قطعة زبدة او شوية زيت حسب الرغبة
اغلق الحلة جيدا واول ما تغلى اهدئ النار واتركها حتى يتشرب الارز ماؤة وثم اقلب
الحلة بعد ان تهدأ بربع ساعة تقريبا فى طبق التقديم وتصبح كما فى الصورة - بس معلش اتنعكشت شوية منى هههههههههه كان نفسى تكون منتظمه بس الحقيقة طعمها رررررررررائع مع البهارات ان شاء الله تجربوها وتعجبكم اتفضلو
بالف هنا وشفا
الروابط المفضلة