الشيش طاووق على طريقتي بالصور

السلام عليكم ورحمة الله وبركاته

هذي أول مشاركاتي في عالم الطبخ أتمنى تعجبكم

من فترة سويت للعشاء شيش طاووق .. وطلع طعمه رووعة وزوجي عجبه موت فحبيت أصوره لكم وأشارككم أطباقي مثل ما استفدت من منتداكم الحلو يا غاليات

نبدأ بسم الله

أول شي المقادير:

طبعا على حسب الكمية المطلوبة

صدور دجاج مخلية العظم والجلد ومقطعة مربعات صغيرة

وحسب الرغبة أي خضار تبينها

بصل مقطع مربعات

فلفل رومي أخضر مقطع مربعات

جزر مقطع دوائر

طبعا عيدان خشب

والحين نجي لخلطة التتبيلة :

عصير ليمون – كاتشب – خل – زيت زيتون- فلفل أسود- ملح – بهارات منوعة- فلفل أحمر – بابريكا

* الكمية على حسب الرغبة.

الطريقة:

*عقب ما ننظف الدجاج زين نبهره بالتتبلية السابقة ونحطه في الثلاجة لمدة ساعة أو أكثر على حسب وقتج.. بس عادي حتى لو تسوينه يوم ثاني ما يصير له أي شي بالعكس راح يتشرب التتبيلة أكثر ويصير ألذ.

* نطلعه من الثلاجة ونشكه في أعواد الخشب مع البصل والفلفل الأخضر أو الجزر حسب الموجود عندج.

* بعدين نحطه في بايركس مدهون بزيت الزيتون في الفرن على درجة حرارة متوسطة.. انا حطيته على درجة 160 لين يستوي ويتحمر من تحت وتقلبينه بين فترة وفترة حتى يستوي زين من جميع الجهات.

الحين أخليكم مع الصور خطوة بخطوة:

هذي صدرو الدجاج بعد ما اخليتها من الجلد ونظفتها وقطعتها

وهذي الصدور عقب ما بهرتها

* ملاحظة: أنا ما كان عندي فلفل أخضر عشان جذي حطيت بداله جزر لكن أنتي حطي فلفل أخضر لانه يطلع ألـــذ مع هالطبخة والجزر يصير خشن.

وهني بعدما شكيته في أعواد الخشب مع البصل والجزر

وهذي صورته عقب ما شويته بالفرن.. وآسفة على الصور مب واضحة لانها بالتيلفون واعذروني لأني توني مبتدئة في عالم الطبخ.

وقدمته مع البطاطس المقلية والسلطة وشراب الزنجبيل البارد المنعش

أتمنى تجربونها وتعطوني رايكم لأنها فعلا ً لذيذة والسر في التتبيلة

وبالهناء والعافية على قلوبكم

اولا برحب بيكي اخت غاليه معانا وحياكي بين اخواتك واتمني لك معانا الافادة وانك تفيدي وتستفيدي اختي لا لا والله تسلم يدك علي الوصفه اكيد رح تكون مميزة وحلوة يا قمر حياكي مرة تانيه ببيتك التاني منتدي للك الجميل

مممممممممم ماشاء الله على الشيش طاوق

تسلمي

ما شاء الله وصفة بتشهي الله يعطيكي العافية
واهلا وسهلا فيكي نورتي منتدانا واحنا بانتظار بقية اطباقك ووصفاتك الشهية

جمييييييييييييييييييييييييييييييييييييييييل بس يعنى ايه بابريكا

جمييييييييييييييييييييييييييييييييييييييييل بس يعنى ايه بابريكا

مشكورة بس ممكن طريقة شراب الزنجبيل؟

حبيتى جميل جداااااااااااااااااا بس يعنى ايه بابريكا وممكن نستغنى عنه

مشكورين خواتي الغاليات على التشجيع والردود الحلووة

وبالنسبة للبابريكا هوو نوع من البهارات تقدرون تقولون مثل الفلفل الرومي الاحمر بس مطحوون .. تلاقونه بالاسواق عادي مكتوب عليه بابريكا بودرة ولونه احمر يعطي نكهة ولون مميز للاكل.

اما بالنسبة لج اختي samsara سألتي عن شراب الزنجبيل فهو في الحقيقة على طريقة منال العالم وان شاء الله من عيووني هذي الطريقة بس للأسف ما صورته:

شراب الزنجبيل :
المقادير:
1 كأس زنجبيل مقشر ومقطع الى شرائح رقيقة دائرية
شوفي هالصورة لتوضيع طريقة التقطيع


بعدين تسوين شيرة وهي عبارة عن:
2 كأس سكر + 1 كأس ماء + عصير ليمونة

1- نحط الزنجبيل والسكر والماء وعصير الليمونه ونخليهم يغلون لين تثقل الشيرة..بعدين نصفي الشيرة ونصبها بقنينة زجاج ونحفظها في الثلاجة لوقت التقديم.

2- بعدين نحط الزنجبيل في صينية فرن ونرشه بكأس سكر ونتركه في الفرن لين يحمر وينزل منه سائل ذهبي مثل الكارميل.

3- نطلعه من الفرن ونشيله من الصينية ونصفه بصينية اخرى ونرشه سكر ونقلبه.

4- نتركه لين يجف وبعدين نحفظه بوعاء زجاجي لحين الاستخدام.

* نجي لوقت التقديم :
نحتاج لأكواب + سفن أب + شراب الشيرة اللي عملناه من قبل + شرائح الزنجبيل اللي سويناها من قبل.

نحط 5 ملاعق من شراب الزنجبيل+ قطع ثلج + 5 حبات زنجبيل + سفن اب ونقدمه.

صحة وهناء.

نورتى منتدانا حبيبتى وبلاش تكتفى بوصفه واحده
عاوزين وصفات تانيه باينك عليكى شطوره تسلم ايدك حبيبتى
وعندى اضافه للبابريكا
هى الفلفل الاحمر الحلو مش الحامى