من كام يوم كان في جمعة حلوة ببيت حماي و تشاركت أنا و سلفتي و بنت حماي بعمل تشكيلة أصناف طيثب كتير صورت معظمها
كان من نصيبي الحلويات فعملت كيكة الفراولة و كانت روعة من حيث الطعم و الشكل بشهادة الجميع
بسم الله ما شاء الله لا قوة إلا بالله
و عملت كيكة الغابة السوداء فظيعة كلها شوكولا X شوكولا
و عملت جيلو الموزاييك ألوانو تحفة
و عملت حلا الشطرنج
و عملت ميني تارت الفراولة و الأناناس بس للأسف ما صورتو لوحدو بس رح يكون باين جزء منو بصورة تانية
و كمان عملت ميني صمن بعجينت الرائعة و لونتو بالألوان الغذائية و حشيت اللون الأخضر بمرتديللا بيتوتية من عمل بنت حماي و اللون الأصفر بمرتديللا دجاج مدخن و اللون الأحمر بطون مع مايونيز التشكيلة عجبت كل الموجودين
و عملت كمان بيتزا دوار الشمس وحدة بالخضار ووحدة بالفطر و السجق كمان مو كتير باينة
و عملت شيش طاووق قدمتو بطريقة ظريفة كتير
و سلفتي الله يعطيها العافية عملت تبولة و يلنجي و عملت حشوة دجاج طعمها بيشبه شوي المسخن و رحت اشتريت رغيف صمن على شكل تمساح و حطيت الحشو فيه المنظر روووعة طبعا رح تحكمو بنفسكم
و بنت حماي تسلم إيديها عملت معكرونة بالبشاميل و المرتديللا اللي حكيت عنها و كبة مقلية و كبة الرزو سنبوسك بجبنة و جابت من السوق ناغيتس و دجاج مسحب مشوي عالفحم
و بنت سلفتي عملت تشيز كيك و كريم كراميل
المهم المناسبة كانت أكتر من ناجحة بفضل الله بتمنى الصور تعجبكم و تنال رضاكم
الروابط المفضلة