السلام عليكم و رحمة الله وبركاته

حتى لا اطيل عليكم

عايزة اشترى كتاب طبخ تكون مقاديره مضبوطة

و على فكرة انا مصرية يعنى عايزة كتب تكون متوفرة فى مصر

الصراحة اشتريت كتاب اسمة السيد بالهنا و الشفا

مش عارفة مش مريحنى حاسة ان الاكل اللى فيه

يميل اكتر لاخواتنا اللى فى الدول العربية

فياريت الاخوات المصريات اللى جربوا كتب معينة يفيدونى

و ياريت كمان اسعارها اذا ممكن

يااااااااااااااه دى كلها كتبها

ههههههههههههههههههههه

اتمنى الاخوات يفيدوكي

السلام عليكم ورحمة الله وبركاته
بصراحة انا بالنسبة لي اعتمد علي النت فهو بحر لا ينتهي
ان شاء الله تلاقي حد يفيدك

اختى الغاليه اكتبى الطبخة اللى تبغيها وأبحثى فى جوجل افضل لك من مئة كتاب والله الآن النت يغنى عن الكتب والوصفات اللى فيه دقيقه غالبا وعندك منتدانا فيه اخوات ونعم الأخوات اللى تبغى اكتبى الطلب والاسعافات تجيك اول باول.

ام مرام فعلا النت احسن من مليووون كتاب
لان الاكلات بالشرح الوافى و بالصور
ركزى فى الاكلات الى معمولة بالصور
عند اكلات الاخت الزينب
بتعمل اكل مصرى بالصور تحفة
وجربى بنفس المقادير
ولو عاوزة اى اكلة
اكتبى موضوع اسالى عن طريقتها واحنا نشرحهالك بالتفصيل
او اقولك اعملى جدول
اكتبى شوية اكلات و اكتبلك بالتفصيل لحد ما تعرفيهم
وبعدين جربيهم
وبعدين اعملى غيرهم
متقلقيش الموضوع بسييييييييييييط
هى مسالة تعود فقط واهم شئ ظبط المقادير

جزاكم الله خيرا على رودكم و نصايحكم

الفكرة بس انى كنت بسال على كتاب

عشان يكون جنبى مثلا قبل ما انام اقرر الغدا بكرة يبقى ايه

او يكون جنبى فى المطبخ

هيا دى الفكرة اللى اقصدها

طلعى الاكلات اللى تعجبك من النت واعملى طريقتها كوبى
واحتفظى بيها فى ملف وورد عندك وممكن تطبعيها بعد كدة
انا اول الجواز كنت عاملة ملف زى كدة فى طرق الاكلات الللى بحبها كلها وطبعته بقى كانه كتاب وعملتله ورقه غلاف وسميته يالا ناكل ههههههههه

اهلا بيكي يا بنت بلدي يا غالية
انا بحب كتب الطهي وعندي منها بحر بصي اكثر واحد وابسطه وبيه وصفات كتير مظبوطة كتاب لماجده رشيد تقريبا اسمه اكلات وحلويات شهيه بس هو على العموم كتاب واحد يعني مش هتغلبي عشان تلاقيه.
وهتلاقيه في مكتبة مدبولي و مكتبة روزاليوسف
يا رب اكون فيدتك
الف سلامه

مشكورة يا اخواتى

و ياريت الاخت ملك تبعتى بقا الملف بتعاها

يالا ناكل و الله اسم جميل فعلا