السلام عليكم ورحمة الله وبركاته

أخواتى الغاليات...النهاردة هعمل لكم فتة كوارع... ويارب تعجبكم..

والطبق دة لعيونكم جميعا.. وخصوصا أختى نور تقية...

أتفضلوا.......

المقادير

كوارع..ودى بتكون من عند الجزار

رزأبيض- صلصة بالتوم - خبز

الطريقة

نغسل الكوارع كويس جدا ونزيل أى شعر أو أى شيء غير مستحب فيها

وننقعها فى طبق به ماء وخل.

بعد ذلك نضع حلة على النار وبها ماء- بصلة كبيرة ومقطعة-فلفل أسود-ورق لورا-وممكن تضيفى حبهان ..

وعند الغليان نضع الكوارع....

ملاحظة هامة جدا.. يفضل أنك تسلقى الكوارع قبل ما تعمليها بليلة لأنها ممكن تكون كبيرة وتاخد وقت كبير..يعنى أسلقيها لمدة ساعتين.. واتركيها الى تانى يوم.. عندما تعيدى تسويتها لن تأخذ أى وقت..

وده شكلها بعد التسوية..

وبعد كدة نعمل الفتة..

نحضر الرز الابيض..

والخبز....

وصلصة الفتة...
نحمر التوم...

ثم نضيف عصير الطماطم..

وممكن تضيفى الخل قبل عصير الطماطم... أو على وش الفتة بعد تجهيزها
..........................
بعد كدة أنا نقلت كام قطعة من الكوارع فى صينية صغيرة..ورشيت عليها جزء من صلصة الفتة...ودخلتها الفرن..

وده شكلها بعد خروجها من الفرن...

ودلوقتى نعمل آخر جزء
نضع بعض من الشوربة المغلية على الخبز المكسر وبعدين نصفيه

ملاحظة..يمكنك اضافة بعد الصلصة للخبز .. وممكن كمان تضيفى بعد الرز وتقلبيهم مع بعض

وبعد كده نغطيه بالرز الأبيض

ثم نضع الكوارع المحمرة على الرز
ونغطيه بالصلصة...

وبالهنا والشفا لأحلى أخوات

يا نهار ابيض هتعشي كوارع

يا نهار ابيض هتعشي كوارع او هفطر اوهتسحر مش مهم حاسة انه هيغمي عليه من الفرحة اوعوا حد يقرب الطبق لي انا اول رد


تسلم الايادي يا قمر

ممكن ادوق
ادوق بس
تسلم ايدك وهذه طريقتى قبل الرجيمممممممممم

يا سلااااااااااااااااااام على طبق الكوارع حرام عليكى شوقتينى ليها
تسلم ايدك يا قمر

تسلم ايديكي ياريتك جارتي وتبعتيلي صحن

تسلم ايديكِ عزيزتي على الوصفه الطيبه

مشكوره عزيزتي طبق شهي

بمووووووووووووووووووووووووووووووووووووووووووو ت فى الكوارع
تسلمى حبيبتى

مشكورة حبيبتي على الكوارع احنا في المغرب لنا طريقة اخرى في طبخ الكوارع