مسسسسسسسساء الخير
أول مرة بشارك ويارب يعجبكم . طبختي اليوم المقلوبة وحبيت أعزمكم عليها
المقادير حسب الكمية إلي عملتها : دجاجة ونصف حجم وسط ، اربع كاسات أرز ، ثلاث حبات باذنجان ،راس زهرة صغير ، خمس حبات جزر ، راس بصل مفروم ناعم ، بهارات مشكلة ، ملح ، ملعقة سمن ، زيت مازولا حسب الحاجة ، ملعقة صغيرة كركم 0
ننقع الارز حوالي نصف ساعة , نسلق الدجاج بالطريقة العادية ماء دافىء مع شوية ملح , ولما تصير قشطة الدجاج تظهر لازم نشيلها بالكامل بعدين بنضيف البهارات والبصل المفروم وملعقة السمن وبنخليها تغلي مع الدجاج حتى تنضج .
خلال هادا الوقت نقوم بقلي الخضار الباذنجان والزهرة والجزر ولازم نقشر الباذنجان ونرش عليه شوية ملح لمدة نصف ساعة قبل القلي من شان مايشرب زيت كثير خلال القلي وكمان لونة بكون احلى، بالنسبة للدجاج ممكن بعد ما ينضج انه نقليه شوي بزيت قلي الخضار بعطيه طعمة زاكية وكمان بخلية متماسك في المقلوبة
بعد ما نجهز كل شي 0 بنقوم بعملية تطبيق المقلوبة في طنجرة حجمها مناسب اول شي بنرش رشة خفيفة ارز وبنصف قطع الدجاج ، وع فوق الدجاج نضع الخضار المقلية ، ثم باقي كمية الأرز المنقوع (يجب اضافة ملح للأرز والكركم قبل وضعة )، اخر شي نضيف المرقة بحيت تكون ارتفاعها عن الارز حوالي واحد ونصف سم ، نضع الطنجرة ع الغاز ع نار عالية حتى يتشرب الرز المرقة وبعدين بنخفف النار وبنخلي المقلوبة تستوي ع نار هادية ن بعد ما تنضج بنخليها في الطنجرة حوالي عشر دقايق بعدين بنقلبها ع صينين مناسبة وبنرش عليها اللوز والصنوبر المقلي 0 المقلوبة بنعمل معها سلطة ولبن وهيك بتكون جاهزة للأكل
يا رب تعجبكم وصحتين وعافية
هيييييييييييييييييييييييييييييي بدي تشجيع من شان أتشجع أشارك مرة تانية
هههههههههههههههههههه
الروابط المفضلة