السلام عليكم يا احلى صبايا...
مشتاقتلكم كتير .. وان شاء الله تكونوا بخير وربي يفرج على أهلنا بغزة يا رب...
متل العادة .. جيبتلكم أكلة سهلة وسريعة وبنفس الوقت صحية ما فيها دهون ولذيذة...
وهذا الطبق مناسب للي ما بيحبوا الخضار وخاصة الأولاد... مليانة سبانخ وما بيحسوا فيها
معكرونة بالسبانخ والخضار المشكلة مع الدجاج
المقادير
معكرونة (أنا استعملت المعكرونة بالقمح الكامل BARILLA)
بازيلا وذرة وجزر مسلوقين
بصلة و2 فص ثوم مفرومين ناعم
سبانخ من الفريزز (ناعم)
زيتون أسود مقطع
فطر طازج مقطع
بقدونس مفروم
كريمة طبخ وحليب سائل (أنا بغشهم وبخلطهم لأن لو استعملت بس الكريمة بتطلع تقيلة ومليانة دسم)
جبنة بارميزان مجروشة (جاهزة من السوبرماركت)
فلفل أسود
بهار أبيض
ملح
دجاج منقوع بالنقوع يلي بتحبيه ومشوي على الغاز من فوق..أنا مستعملة صدور بلا جلد
زيت زيتون
الطريقة
في مقلاية كبيرة نضع زيت زيتون ونذبل البصل والثوم..
نضيف الفطر والملح والفلفل والبهار..
ثم الزيتون والسبانخ والخضار الباقية ما عدا البقدونس...
نقلب جيداً بعدين نضيف الكريمة أو القشطة والحليب وهنا انت بتتحكمي بالكمية حسب المعكرونة يلي بتضيفيها..
ونقطع شوية دجاج من يلي شويناهم ونضعهم معهم....
ندعهم يغلوا شي 5 دقائق ثم نضيف المعكرونة المسلوقة والبقدونس والجبنة..
نقلبهم مع بعض 5 دقائق ويقدموا مع الدجاج...
بالهنا...إليكم الصور....
ما شاء الله ولا قوة إلا بالله
هي لساهم بالمقلاية
وهذا هو الصحن عند التقديم
ان شاء الله بينال رضاكم...
جربوه لذيذ كتير وللعزايم كطبق تاني كمان مرتب وشهي...
لا تنسوني من دعواتكم حبيباتي...
الروابط المفضلة