تحياتي للجميع احب اشكر هالمنتدى الرائع الي جمعنا على

مائده واحده ومجلس واحد وكاننا فعلا في بيوتنا

ادري طولتها بس ابيكم ترحبون فبني لاني ضيفه جديد عالمنتدى

اظن هذا من حقي وحده تتشرط

بس لاني عارفه انكم ناس طيبين وبنات اصول وماراح تزعلوني

ناتي الآن الى السسسسسسسسسسسسسسؤال المهم............

وهو ابي اعرف المقدار الصحيح للرز سواء للمفاطيح او للكبسات

الي تكون للعزايم مهيب لكم نفر

ياليت تفيدني وحده من الأخوات الكريمات

وشلون ازين عزيمه رجاجيل واقدر بعد ارسل لجيراني

بس هاه ابي كميه مضبوطه للرز يعني كام كاس او كم طاسه

واتمنى ماتتاخرون علي بالرد

لأن عندنا عزيمه وابي اتجهز لها

تكفوووووووووووووووووووووووووووون ساعدوني

والف شكر

المقادير

1 ذبيحه كامله او ثلاثه اثلاث الذبيحه

2 15 كيلو رز باسمتين او الشعلان ابو 10 كيلو معه 5 كليو

3 ليه الطلي وتقطع او زيت

4 كيس بصل كبير تركي وتقطع

5 صلصل ثلاثه علب كبيره

6 طماطم ثنين كيلو وتقطه

7 بليله ثلاثه علب زجاج كبير

8 جزرر ناشف

9 ليمون ناشف

10-فلفل شامي اربعه حبات

11- -فلفل اسود مطحون ملعقتين اكل

12-فلفل عادى ملعقه اكل واحده

13-كمون عادى – كسبرة عادى – خلنجان – شايبه- توخذ كلاً بمقدراليد

طريقة الطبخ

1 نقطع لية الطلي قطع صغيره ان وجد او زيت ونضعها بالقدر ونحمسها حتى يطلع الزيت او تصفر .

2 نضع البصل المقطع الى قطع صغيره ونحمسه مع زيت الليه حتى يصفر البصل نضع بعدها البهارات (كمون عادى – كسبرة عادى – خلنجان – شايبه- توخذ كلاً بمقدراليد)( ليمون ناشف - فلفل اسود مطحون ملعقتين اكل- فلفل عادى ملعقه اكل واحده ) ونجعلها تطبخ

3 نضع بعدها لحم الذبيحه المقطعه لاوصال ونحمسها مع المقادير اللي بالقدر ونخليها حتى تطلع ريحة البهارات

4 نضع بعده الطماطم المقطعه ونحمسها مع البصل والليه او الزيت واللحم

5 لين يستوي اللحم نصف استوى يعني 20 دقيقه ولكن لابد من التقليب كل 5 دقائق

6 نضع بعدها الصلصل المخلوط بماء بقدر صغير ونجعله يطبخ 15 دقيقه مع المقادير اللي بالقدر

7 بعدها نوزن الماء اضافة ماء ونحسب مقدار الرز نجعل اللحم يطبخ حتى يبدا يستوي اللحم تقريباً 45 دقيقه

بعد نضيف الرز بعد غسله بقدر صغير 15 كليو رز نجعل النار عليه حتى يقوم القدر بالطبخ وقبل ان يجف الماء نخفف النار عنه ونخطيه ربع ساعه او نصف ساعه وبعدين ناكله بالهناء والعافيه.. ملاحظه لكل شخص كاس رز والكيلو من الرز يطلع خمس كاسات او اربع وانتى احسبيها

كمية الرز دائما تتوقف على عدد المعازيم ولو بالتقريب

في طريقة شفتها لأحد الأخوات في احدالنتديات وهي تحسبين لكل شخص """كاستين شاي """رزوانا صرت اطبقها وفعلا مظبوطة واللي مهم أكيلة كاسة كاسة ونص كفاية ,
وبالنسبة لطبخ الذبيخة نفس طريقتك بطبخ الكبسة بس الكمية راح تكون كبيرة وعنداتقديم زينيها بلوز وصنوبروزبيب محمصين بزيت ورشي بقدونس ولومي
وبس يالغلا وشدي حييييييييلك خليك قرمة باااااااااااااااي

اختي ام خزامه.......... جزاك الله 1000000خير ويعطيك العافيه يالسنعه
وإنشاء الله علطول للمطبخ أول مايوصل التيس مااااااء ماااااء مااااء
بس ياعيوني وش الي بفقرة رقم 10 مافهمت هو للفلفل وطن ؟
بس انا بعد طماعه معليش لأنك مارحبتي فيني انا توني ضيفه جديده ياناس رحبو فيني
وحده تحب تسمع كلام حلو؟

اخواتي ام هفهف وكلي لكم اشكركن كثيرا ماقصرتوا يالسنعات بس ودي اسال وش هو كاستين شاي

قصدك البياله ولا شئ آخر

هلا اختي حياك بين اخواتك

بالنسبة الى العزايم على حسب عدد الأشخاص

الشخص كاس ونص رز

والأفضل رز بسمتي طويل الحبة

لم تسوي الرز وتسلقيه في ماء لأن عدد ه كبير وصعب تشخليه من الماي

يفضل تضيفي الماء بنفس مقدار الرز وتزيديه كاستين على عدد الرز عشان يستوي من دون مانشخله

مع مراعاة التقليب بين فترة والثانية

:

طبعاً مهم البهارات الحرة الكبيرة تزين الرز وتعطيه ريحة حلوة

واللحم انا مااحب اسلقه انا احط الذبيحة مقطعة في صينية كبيرة وأغلفها بقصدير واتركها اربع ساعات

في الفرن على درجة حرارة 400 وبعد ساعة اخليها على 350درجة

أتمنى أكون أفدتك واي سؤال انا حاضره

مشكوره اختي ZARA لسببين انك رحبت فيني وعلى ردك الأكثر من رائع

وجزاك الله الف خير وما استغني عنك

ويعطيك العافيه

اول شيء حياك الله بالمنتدي اختي ورود وياهلاافيك ونشالله مع طبخات المنتدي وسحر اناملهم بتاكلين اناملك من حلااوة طباخك الفلفل الشامي انا اعرف اسمه كذا موجود ويعرفونه بالفلفل الحار طويل ورفيع هذا الى اعرفه ويااااااهلاا فيك مره ثانيه