شعار₪طبق متميز₪ يا بنات...اليوم الغدا شاااورما....تفضلوووووووا***
السلام عليكم و رحمة الله و بركاته:
كيفكن يا أحلى صبايا
اليوم تغدينا شاورما من صنع إيدي و طلعت طيبة كتيير ، واشتهيتكن معنا**
بعملها بالدجاج ، منحبها هيك أكتر..
الطريقة المظبوطة:
لازم نجيب لحم الدجاج شرائح كبيرة و رقيقة و نحطحها فوق بعضها و بينها طبقات من لية الخروف ، بس بالبيت يمكن تكون صعبة شوي ..
اختصارا" للموضوع:
نقوم بالتالي:
المكونات***
*نص كيلو لحم دجاج ( صدور)
*كمية قليلة من اللية..لو مو موجود ممكن زبدة أو سمنة.
لنقع الدجاج نستخدم( خل..3 أسنان توم..فلفل.. بهارات شاورما أو بهارات مشكلة..ممكن ملعقتين لبن..عصير ليمونة)
* ملح
الطريقة:
* من اليوم السابق نقطع لحم الدجاج شرائح رفيعة و رقيقة و ننقعها بالمواد المذكورة و نتركها في البراد لليوم التالي.
* اليوم التالي، نفرم اللية ناااعم و نضعها في وعاء على النار ثم نضيف الدجاج و الملح و نحرك المواد على نار هادئة حتى تستوي الشاورما و تتحمر أطراف اللحم.
* نقدمها مع شرائح الليمون و البقدونس...(ما كان عندي بقدونس)
و هي الأطباق المرافقة يلي قدمتها معها:
المايونيز و سلطة ملفوف، موجودة على هذا الرابط:
سلطة ملفوف
* بطاطا مقلية..زهرة مقلية..
* فطائر براتا موجودة على هذا الرابط:
فطائر
طبعا" لازم المخلل و البندورة و شرائح البصل
اذا بدكن البصل ما يطلعلوا ريحة انقعوه بماء و خل مدة نص ساعة قبل الأكل بتروح الريحة و الطعم الكريه
و كمان الفليفلة الحدة
( نطحن الفليفلة الحمرا الحدة و نخلطها مع شوية ملح..زيت زيتون..دبس رمان)
و هي الطاولة كاملة...تفضلوووا
الخبز عملناه بقسم المعجنات بالطحين الأسمر لو حبيتوا اعملوه بالطحين الأبيض
خبز صحي
و هذا السندويتش لأول رد بالهنااا
تركتو مفتوح لتشوفوا شوفي ..يلي بتاخده تلفه و تاكله..ألف صحة و هنااا
رد مع الاستدلال
كتبت بواسطة تغريد2007
الروابط المفضلة