السلام عليكم و رحمة الله و بركاته:
أخواتي الغاليات:..كوبين حليب سائل
هذه الأيام بنتي رغودة عنها عطلة نص السنة ولذلك قررت تدخل معي المطبخ و تساعدني بإعداد الغداء...المهم اخترنا أكلة طيبة و هي بتحبها، حضرتلها المواد و اعطيتها الطريقة و صارت تطبق تحت اشرافي...
شوفوا شو عملنا:
المكونات:
ورق لازانيا جاهز
لحمة ناعمة...بصلة مفرومة ناعمة...سن توم مهروس
حبة فليفلة مفرومة...فطر(مشروم) مفروم ناعم
معجون طماطم
4 ملاعق طحين
ملعقة زبدة
مكعب ماجي
جبنة موزاريلا
أوريغانو..ملح..فلفل أسود..بهارات
الطريقة:
*نضع وعاء على النار و فيه ربع كوب زيت نباتي، و نضع التوم و البصل و نقلب جيدا" ثم اللحمة ، و نقلب الجميع على نار هادئة ، حتى تقارب اللحمة على الاستواء نضيف الفليفلة ثم الفطرو نقلب المواد مع بعض.
* نضيف معجون الطماطم وكوب ماء ونتركهم يغلون ثم نضيف الملح والبهار و الأريغانو ثم نرفعهم عن النار.
* الآن نقوم بعمل البشاميل:
* نحمر الطحين بملعقة الزبدة ثم نضيف كوبين حليب و ملح و مكعب الماجي و نستمر بالتحريك لمنع التكتل، حتى يتشكل سائل كثيف نضيف ملعقة أريغانو، و نرفع عن النار.
* نأخذ ثلاث أرباع كمية البشاميل و نضيفها للصلصة السابقة، و نترك الباقي للوجه.
*نحضر طبق البايركس و ندهنه بالقليل من الصلصة التي نتجت:
* نضع أول طبقة من اللازانياو فوقها طبقة من الصلصة المخلوطة ، و نكرر العملية أربع مرات:
* آخرطبقة نغطيها بالبشاميل الذي احتفظنا به و نوزع فوقه جبنة الموزاريلا
ندخلها الفرن مدة 45 دقيقة على نار متوسطة ، ثم نشعل النار من فوق مدة 10 دقائق.
قبل أن ندخلها اذا لاحظنا أن الصلصة ناشفة نضيف شوة ماء لغمر اللازانيا فهي يابسة و سوف تستوي بداخل الصلصة.
* نخرجها الآن و نقدمها مع ألف صحة و هنا***
* و لحتى تعرفوا أنو رغودة شطورة و الأكلة طلعت طيبة كتييير شوفوا شو بقي منها بعد الغدا....
ان شاء الله تعجبكن ..أنتو كمان****
الروابط المفضلة