كبسه بنت الجيران

**samara37** · 28-01-2008, 09:03 PM

بسم الله الرحمن الرحيم
السلام عليكم ورحمه الله وبركاته

مساء الخير عالجميع
يعطيكم العافيه حبيباتي اليوم راح أكتبلكم طريقه كبسه
كنت يوم الخميس عند الجيران عزموني على العشاء وحكت صحبتي أنها بتعرف تعمل كبسه على قولها (خطيرة )
ما كذبت خبر وصممت أوقف معها علشان أتعلم منها
وما شاء الله عليها سوت كبسه أزكى كبسه أكلتها بحياتي
حكيت لحالي ما بدها حكي لازم أنزلها لخواتي حبيباتي
طولت عليكم سامحوني
بسم الله نبدأ

المقادير :
دجاجتين
5كاسات رز
بصله كبيرة
ملح بهار فلفل أسود ماجي
بكيت مكرونه
صلصه علبتين
زيت بيجي ربع كاسه

على الوجه (وهنا السر)
كاجو
لوز
زبيب
كزبرة أو بقدونس أوشبت
جزر مبشور
بندورة مقطعه مربعات
بصله صغيرة كمان مربعات

الطريقه :
بنسلق الدجاج وبنحط معه البهار ورق الغار والليمون الناشف والفلفل الأسودوالبصل
بنسلق المكرونه لحالها
لما تستوي الدجاجات بنرفعهم وبنطبخ الرزات على ميتهم
وبنحط مع الرز المكرونه المستويه ولما تغلي الميه نغطي الطنجرة ونوطي النار لحد ما تستوي
ونحط الزيت في طنجرة ونقلي معها البصله وبعدين بالتدريج الصلصله والجزر والبندورة والمكسرات
والملح والبهار وشويه ميه ونخليها تطبخ على النار
ونجيب الدجاج نحطه قطعه قطعه في الخليط وهو على النار ونرفعها ونحطهم بصينيه الفرن ونحمرهم بالفرن

وفي الأخر بنسكب الرز في طحن التقديم وفوقه قطع الدجاج ونحط الخلطه فوقهم
ونسيت أحكيلكم أذا بتحبوا البيض أسلقوا وقطعوا شرائح على الوجه
وصحتين وألف عافيه يارب

**omnony** · 28-01-2008, 09:39 PM

تسلمي على الوصفه
يعطيك العافية

**em omar** · 28-01-2008, 09:50 PM

تسلم ايديكي و ايدين بنت الجيران

*** بريق الامل *** · 29-01-2008, 12:41 AM

يعطيك العافيه أختي على الوصفه ...

**((new loOok))** · 29-01-2008, 12:46 AM

يسلمووووووو عالوصفه حبيبتي
بس ياليت لو كان في صوره للطبخه

**cliopatra** · 29-01-2008, 11:15 AM

السلام عليكم ورحمة الله وبركاته
تسلم الايادي يا قمر

**samara37** · 29-01-2008, 12:13 PM

OMNONY
تسلمي على المرور
يعطيكي العافيه

EMOMAR
الله يسلمك ياغاليه

بريق الأمل
الله يعافيكي ياعمري منورة

NEWLOOOK
ياعمري محنا أكلناها كيف بدي أصورها
أوعدك لو عملتها أنزلك الصورة
يسلموا

CLIOPATRA
وعليكم السلام ورحمه الله وبركاته
الله يسلمك ياغاليه