السلام عليكم و رحمة الله و بركاته:
كيفكن يا أحلى صبايا...من مدة زوجي عزم رفيقو على الغدا و نسي يخبرني ، ايمتى تذكر....لما قمنا على صلاة الصبح و ما كنت محضرة شي طبعا" الحمدلله دائما" بقوم على الصلاة....المهم طار النوم من عيني و قعدت فكر شو اعمل ....لحد ما الله هداني للفريكة قلت لحالي طيبة و ما بدها شغل كتيير ...يلا عالمطبخ طالعت اللحمة و سلقتها مع البهارات الطيبة و بعدين فرمت بصلة صغيرة و قليتها بشوية زيت و سمن عربي و حطيت عليهن الفريكة و مرقة اللحمة ، هيييييك حتى استووا و صاروا بيشهوا سكبتهن و حطيت عليهن اللحمة و اللوز و الكاجو المحمصين بالسمن العربي:
و طبعا" مو حلوة تقعد الفريكة لحالها على الطاولة فعملت معها عدة أطباق سريعة...
أولا" بابا غنوج:
طبعا" السلطة الخضرا و اللبن ( عاملتو قبل بيوم) :
كمان عجة بطاطا و فاصوليا بزيت :
و شوربة خضار بس ما صورناها.... و أخيرا" هي الطاولة كاملة تفضلوا بسم الله***
ألف صحة و هنا ********
الروابط المفضلة