طبعا كلنا بنعرف الملوخية وبنعملها بكل سهولة بس أحيانا بيتغير لونها معنا أو بتزل بالذات لو كانت مجمدة مش طازجة.
هذه طريقتي في الملوخية ونصيحة الوالدة الله يرحمها علشان الملوخية تضلها خضراء وما تصفر أو تسود أو تزل في قاع الطنجرة.

طبعا في الأول المرقة أنا بأقطع بصلة صغيرة وبأحط معها نصف راس ثوم مقشرين مع مكعبين ماجي مع الماء وأترككهم على النار لغاية ما يستوي الثوم بأنه ينزل للقاع وما يطفو فنطفي النار مباشرة. بعدها بأجيب الملوخية المجمدة ومباشرة بأضيفها للمرقة اللي نراعي أنه ما يكون كثير يا دوب يغطي الملوخية ونغلق الطنجرة بالغطا وننساها. تذكري النار مطفية.
لما نرجعلها بعد مدة حنلاقي الملوخية ذابت جوه المرقة فنحركهم كويس مع بعض ونولع عليهم النار ونخليها تغلي غلوتين بس مش أكثر ونشيلها عن النار ونعمل القدحة اللي هي بس ثوم مقطع نحمره بالزيت ثم نضيفه مباشرة على الملوخية ونعيد الملوخية للنار لتغلي مرة واحدة بس وصحة وهنا. طعمتها روعة.
قدمتها مع رز أبيض وصينية دجاج بالسماق والبطاطا. يا رب تعجبكم

تابع الصور

تسلم الايادي اموت في الملوخية خصوصا بالفراخ او الارانب

يسلموا ايديكي انا من عشاق الملوخية بس بطبخا مع دجاج وبحط معا زرين بندورة مقشرين ومفرومين ناعم وكزبرة ناعمة بتعطي الملوخية طعم طيب كتيييييييييييير

كرا بنات..
أم سوسو رح أجربها بطريقتك المرة الجاية بس احنا بنحب الدجاج يكون على جنب لحاله. يسلموا على الطريقة. الكزبرة الناعمة ناشفة ولا خضرا وبتفرميها ناعم؟؟ وما بتقدحي للملوخية توم؟؟

تسلم الايادي علي احلي ملوخيه

يسلم اديكي
شكلها حلوة بتشهي

يسلموا ايديكي حبيبتي
الملوخيه اكله ملوكيه
هههههههههههههههههههههه
وانا اللصراحه بحبها كتيييير وبموت فيها
بس انا عندي طريقه خاصه وبالذات للملوخيه الناشفه
بطلع زي الطازجه وازكى كمان وان شاء الله قريبا راح تشوفي وصفتي
وبتقدري تستعمليها مع المجمده
ويسلموا ايديكي

يسلمو ايديكي
انا كتير بحب الملوخية بس انا اخر شي لما بتخلص بفرم كزبرة وثوم وبقليهم شوي وبحطهم عل الملوخية

تسلم ايديكِ عزيزتي على الملوخيه الشهيه