شعار₪طبق متميز₪ المنســـف .. أخيرا طلع من مطبخي يا صبايا

**um almajd** · 25-12-2007, 01:57 AM

السلام عليكم ورحمة الله وبركاته يا احلى صبايا

في العيد عملت عزيمه لاهلي ... وكانت منسف بلحمة الاضحيه

طبعا المقادير

3 كيلو لحمه
(او حتى اكتر ماعرفت بالظبط)
7 كوب ارز
ملعقه صغيره كركم (عصفر)
خبز رقاق
لبن جميد
(ممكن تستعملي نوع لبن رايب معه .. او تستعملي الروب لحاله)
بهارات لسلق اللحمه
(فلفل اسود .. بصله .. عيدان قرفه .. ورقة غار .. هيل حب)
أنا ما بزيد الملح .. لان الجميد بيكون مالح اصلا
راس ثومه مطحونه
دقة الفلفل
5 فصوص ثوم + 5 قرون فلفل حار + عصير ليمونه
مكسرات وبقدونس للزينه

الطريقه

صبايا .. أنا بعرف من هلا انو في كتير منكم .. راح يحكوا انهم ما بحبوا اللبن الجميد لحاله
او حتى ما بحبوه بالمره .. بس سبحان الله .. احنا واهلي ما بنحبه الا يكون لحاله .. خصوصا مع المنسف

قبل بليله .. كسرت لبن الجميد ونقعته في ماء مغلي ليله كامله
في اليوم التاني .. خلطته الخلاط .. لمده كافيه حتى اعرف انه داب

معلش يا صبايا ما صورت التكسير والنقع .. بس الفكره اظن واضحه

هاي لبن الجميد .. وصورته لما انخلط

هاي صورة نصف الكميه بس

نسلق اللحم بالطريقه المعتاده .. ونضيف له البهارات

ولما بديت اصور .. كنت مخلصه سلق يا صبايا معلش اعذروني

الارز .. يكون منقوع في ماء دافئ فترة ربع ساعه .. ضفت له ملعقه صغيره كركم
نصفيه .. ونحطه على النار ... نضيف مرقة اللحم وهون نضيف الملح
(بس حتى هون ما بملح كتير لان اللبن راح ينحط فوق الرز)
نتركه على نار هاديه .. حتى ينضج

احط اللبن على النار ..
(ممكن تطلع الكميه اكتر شوي .. فتنحط في الفريزر لطبخه تانيه .. فما بنحط كل كميه اللبن بالاول)

لحد ما يقرب يغلى .. نبدأ نضيف المرقه المغليه .. لحتى يصل للقوام اللي بدي اياه
(يعتمد على رغبتك ورغبة العائله)

نتركه على النار فتره تقريبا نص ساعه .. حتى ينضج اللبن .. بنحط معه قطع اللحمه
يغلى شوي ...

بعدها .. في ملعقتين زيت على النار .. نحط الثومه المطحونه .. ونحركها
حتى تميل للاحمرار .. وبعدين نقدح الثوم على اللبن

احنا بنعمل جنبها دقة فلفل
في زبديه ... ندق الثومه .. ونضيف الفلفل .. وبعدين عصير الليمون
نضيف مرقة اللحمه الها .. وكمية المرقه ترجع لرغبتك

وطلع معاي اربع صحون غير هادا .. على طاولة السفره

احنا بنحب على الاكل .. نحط كل واحد صحن صغير من اللبن اله
وبعدين نضيفله من دقة الفلفل .. هيك بتتوزع دقة الفلفل منيح على الرز

في صدر كبير وعميق نسبيا .. نقطع خبز الرقاق .. قطع متوسطه

نرش عليها اللبن (نسقيها باللبن)
نضيف الرز فوق الخبز
نصف قطع اللحمه بعد نشلها من اللبن على وجه الرز
نزين بالمكسرات المقليه والبقدونس

هاي صورة اللبن يا صبايا
وحطيت فيها شوي من قطع اللحمه

وهاي صورة السدر

وهاي صوره عن قريب

معلش يا صبايا .. الصور مش حلوه كتير .. بس لاني كنت بصور الطاوله
واهلي حوالينها .. بيستنوا لاخلص عشان يتغدوووا هههههه

ان شاء الله تكون طبختي عجبتكم ... لانها الصراحه كانت ممممممممممممممممم روووعه

دمتم بحفظ الرحمن يا احلى الاخوااااات

السلام عليكم ورحمة الله وبركاته

**سعدانه** · 25-12-2007, 02:45 AM

تسلم ايديك
شكله يشهي و احنا نعملة بنفس الطريقة بس من دون دقة الفلفل
يعطيك العافية

**لموعة** · 25-12-2007, 06:45 AM

تسلم ايدك عالمنسف اللذيذ .

**ام حكم** · 25-12-2007, 09:01 AM

تسلملي هالايدين اللي يتلفووووا بحرير على هالمنسف الحلوووووو

يا ريتني جارتك يا ام المجد ههههه

كتير شكله مشهي وطالع مرتب

تسلمي يا قمر وصحتين على قلبك وقلب الاهل

**ام ليانة** · 25-12-2007, 11:20 AM

تسلم الايادي ام المجد على المنسف الشهي

صحة وهنا على قلبكم جميعا وان شاء الله عامر دايما

**um almajd** · 25-12-2007, 11:55 AM

كتبت بواسطة لحظه إحساس

تسلم ايديك
شكله يشهي و احنا نعملة بنفس الطريقة بس من دون دقة الفلفل
يعطيك العافية

الله يسلمك يا قمر والله ويعافيكي حبيبتي
هاي دقة الفلفل من غزه .. بس انا استلفتها منهم هههه .. بس جربيها معها بتطلع كتير طيبه والله
شكرا الك كتييييييييييييييييييير يا قمر

كتبت بواسطة لموعة

تسلم ايدك عالمنسف اللذيذ .

الله يسلمك حبيبتي
تسلمي يا غاليه على المرور والرد

كتبت بواسطة ام حكم

تسلملي هالايدين اللي يتلفووووا بحرير على هالمنسف الحلوووووو

يا ريتني جارتك يا ام المجد ههههه

كتير شكله مشهي وطالع مرتب

تسلمي يا قمر وصحتين على قلبك وقلب الاهل

ههههههههههههههههههههههههه يا الله يا ريت حبيبتي .. والله اني زعلانه مافي ولا وحده من المنتدى
في نفس المدينه اللي انا فيها ... كان عجبنا هههههههههههه .. تسلمي يا غاليه والله
على كلامك الحلو .. الله يسلمك ويعافيكي شكرا كتييييييييييييييييييييييييييييييييييييير حبيبتي

**رندوش** · 25-12-2007, 11:56 AM

مشكوره ام المجد منسف غير شكل
صحه وعافيه

**san79** · 25-12-2007, 12:00 PM

واااااااااااااااااااااااااااااااااااو شو بشهي شكلو

عن جد يسلمو ايديكي فتوش ويا عيني كمان بلحم العيد يعني اشي اشي خخخخخخخخخخ

**um almajd** · 25-12-2007, 12:08 PM

كتبت بواسطة ام ليانة

تسلم الايادي ام المجد على المنسف الشهي

صحة وهنا على قلبكم جميعا وان شاء الله عامر دايما

هلا والله بام اللووووووووووووووووول الغاليه ... يا الله اديه الك وحشه
معلش كنت غايبه منيح انا عن المنتدى ... بس خلص ان شا ءالله راح ارجع وبقوه ههههه
الله يسلمك يا قمر ويعافيكي الهي يا غاليه ... تسلميلي حبيبتي .. شكرا كتييييييييييييييييييير مووواه

**um almajd** · 25-12-2007, 12:22 PM

كتبت بواسطة رندوش

مشكوره ام المجد منسف غير شكل
صحه وعافيه

هلا حبيبتي رندوووش ... الله يسعدك يا رب
تسلمي يا غاليه على الحكي الحلو شكرا كتيييييييييييييييييييييييييييييير على مرورك وردك الحلوييين

كتبت بواسطة san79

واااااااااااااااااااااااااااااااااااو شو بشهي شكلو

عن جد يسلمو ايديكي فتوش ويا عيني كمان بلحم العيد يعني اشي اشي خخخخخخخخخخ

سنووووووووووووووووووووووووووووءه .... الله يسعدك يا قمر ... ويسلمك ويعافيكي الهي
شفتي بلحمة العيد ههههههههه ... انا اكلت الرز وما الي باللحمه .. هم اكلوووا وحكولي انو زاكي
خخخخخخخ ... شكرا يا احلى قمر ... موووووووووووووووووووووووووووواه