هذه طريقة عمل اللبن الرائب ....

المقادير
9 كاسات ماء
3 كاسات حليب بودرة
1 لبن رائب المراعي كبير ، ولكن مهم جدا ان لا يكون قليل الدسم بل اللبن العادي

أذوب الماء مع الحليب البودره مع التأكد من استخدام نفس الكاسه فالتغيير في حجم الكاسه يؤثر على اللبن ....
بعد التذويب نضعه على النار ولكن ما بيصير ينغلى ، يعني خليه يسخن منيح بدون غلي ...
أتركه على جنب حتى يفتر ، اي يكون لا سخن ولا بارد ، بعرف اني عصبتكن بس والله اي تغيير بسيط يؤدي الى عدم نجاحها .... لذلك رح كون دقيقة جدا بالوصف ...
بعد ان يفتر نضع في وعاء لبن المراعي مع قليل من الحليب الفاتر الذي عملناه ونحركه جيد ونتأكد من عدم وجود اي تكتلات لبن داخل الحليب "يفضل استعمال الخلاط اليدوي" ما بعرف شو اسمو ... المهم
نضيفه الى طنجرة الحليب الفاترونحركه وانتبهي جيدا الآن ....
نغطي الطنجرة ثم نغطي الطنجره ببطانية عشان لازم تكون الحرارة ثابته .... وأكدي على اهل بيتك وأولادك لا احد يشيل البطانية ولا يحرك الطنجرة من مكانها .... وإلا
تترك هكذا لمدة عشر ساعات تماما
ثم نشيل البطانية والغطاء من الطنجرة وانبهي ايضا يجب عدم تذوقه او تحريكه او ادخال ملعقه او اي شيء .... نضعه في الثلاجة لمدة 24 ساعه "ممنوع اللمس نهائيا"
وبعد مرور 24 ساعه صحتين وهنا .....
اكيد رح تقولو هي عملية جراحية .... بس كتير ظريفه وبتلاقيها جاهزه لأكلات اللبن ....
والتزمو بالتعليمات وانشالله رح يزبط ....
سلام

نسيت اقول انه يجب عدم استخدام طنجرة التفال ،،،، بل طنجرة ستانلس

تسلم ايدك انا كنت اعمله بالحليب ومشكلتي انه يطلع شوي لزج عارفة كيف ...يعني لما اشيل المعقة يسقط منها خيط سائل زي المطاط يعني ما يكون جامد مثل الجاهز

بس احيانا يكون وسط تقريبا مثل القشطة بس حلو برضو
راح اجرب اعمله باللبن واكيد راح يكون احلى

تسلم اديك والله يعافيك