من كم يوم زوجي أحرجني لأنه جابلي لفت ورق وروس لفت وكرفس وسلك

تصدقون عاد انه هالمسميات أنا عرفتها منه <<<< وحده غشيمه

والمشكلة إني ماأعرف لهم طرق طبخ ممكن اللي تعرف لهم طريقة تلحقني فيها قبل ماتخيس همن أرميهن

لأني صايرة أشعر بأكتئاب كل ماأفتح الثلاجة والاقيهن مرتزات قدامي

تحياتي

اختي المزيونة ممكن تعملي برؤوس اللفت محشي , تحشيه بالرز واللحمة متل طريقة الكوسا المحشي
يعني بتحفري رؤوس اللفت بالحفارة وبعدين بتنقعيه بماء وملح قليلا بعدين بتحمريه بالزيت وبس يبرد بتحشيه وبعدين بترصيه بوعاء الطبخ و بتصبي عليه ( بتغمريه )
ماء مغلي فيه مسبقا السماق ومصفى , اعذريني ما بعرف طريقتها لان زوجي ما بيحب اللفت وما عمري طبختو ببيتي بس قبل ما اتزوج كانت والدتي تعملو وطعمه كتير طيب

بالنسبة للكرفس ممكن تضيفيه للصواني الدجاج والبطاطا والفلفل الحلو الاخضر والاحمر
اما ( السلك ) فعذريني لاني ما بعرفه

بتمنى كون افدتك

كمان ممكن تعملي اللفت مخلل
اختاري رؤوس اللفت الثقيلة نوعا ماو الجيدة , قشري اللفت واتركي قليلا من اللون الاحمر القاني عند راس اللفتة بعد تنظيفها ونزع القشور الصلبة عنها , ثم قطعي كل لفتة الى نصفين ثم اقسمي كل نصف الى عدة قطع رفيعة ,
ضعيها في وعاء واغمريها بالماء وارفعيها على النار واتركيها تغلي لمدة 5 _ 10 دقائق , انزليها عن النار واتركي اللفت حتى يبرد ,
بعدين ارفعي اللفت من الماء وضعيه مرطبان الكبس وضعي بينه عدد قليل من قطع الشمندر لاكساب اللون الاحمر , واذيبي ملح بالماء اللي رح يوضع على المخلل , استمري بأذابة الملح لغاية ما يمكنك وضع بيضة للتطفو على سطح الماء , عندها قومي بسكب الماء المملح فوق اللفت واغمريه وبعد اربعة ايام اضيفي له كاس خل , يستغرق تقريبا 10 ايام ليصبح جاهز
وصحتين وهنا

السلام عليكم
شوفي اختي افضل طريقة انك تبعثيلي اياهم .......وخصوصا اللفت .

______والطريقة الثانية اكيد انتي بتشتري حمص وفلافل من المطعم وبكون معهم اللفت عاملينه مخلل .....ولونه تقريبا نهدي او عنابي _اعمليهم مثله مخلل يا الله شو طيب ومع كل الاكلات ...اذا بتحبي تراني جاهزة اعطيكي الوصفة...
__الكرفس ممكن تقطعيه صغير وتضيفيه للشوربات مثل الخضار المشكل ومثل ما حكت جنين للصواني ..ولو نشفتيه بتستخدميه بهار للشوربات .
___الان السلك ممكن تسلقيه خفيف وتحشيه مثل الدوالي وتتطبخيه بنفس الطريقة .هذا اذا كان قصدك نفس السلك الي اعنيه الي شكله يشبه السبانخ لونه اخضر غامق.