اخواتى حبيت اليوم اجمع لكم اكبر قدر من وصفات اللحوم اللى اعرفها بالشرح عشان يبقى عندنا وصفات كتير نقدر نطبقها وخصوصا والعيد عالابواب
كتف الخروف
المقادير
كتف خروف كامل يعنى بحوالى تلاته كيلو مثلا
تلات حبات بصل مقطع مكعبات
حوالى حبيتين فلفل حراق وممكن بارد
2 حبه طماطم
ملعقه خل
علبه زبادى
تلت فصوص توم
ملح -فلفل-كمون-هيل-جوزه الطيب-زنجبيل مبشور
واخيرا كيس الشواء اللى بيستخدم فى الفرن وهذا اختيارى ممكن تستخدميه واذا ماعندك ممكن تستخدمى صينيه
الطريقه
نمسك كتف الخروف ونغسله تحت الماء ونحاول نشيل بالسكين طبقه الدهن للى مابيحبوش دهون
ننشف كتف الخروف بقماشه نظيفه وفى الكبه نفرم 2 حبه بصل والطماطم والخل والملح والفلفل ونضعهم على الكتف ويتبل به من بالليل مثلا وتانى يوم ناخذ الكتف ونشيل منه التتبيله تماما ونعمل بالكتف فتحات نضع بها انصاف فصوص التوم وفى طبق واسع نقطع حبه البصل المتبقيه ونضع معها الفلفل الاخضر ونضيف عليها الزنجبيل المبشور وفلفل وكمون وملح وجميع التوابل المكتوبه 000انتبهى من الملح لان التتبيله كان بها ملح وفى الاخر نضع كوب الروب ونقلب الخليط ونضعه على الكتف ندخله فى كيس الشواء ونصب بداخله الخليط المتبقى ونغلقه جيدا ونعمل فتحات فى الكيس من فوق ونتركه فى الفرن لمده ساعه او ساعه وربع على حراره 180 اغرسى شوكه فى اللحم واذا استوى فكى الكيس بعد مايبرد شوى وافتحى عليه الشوايه للتحمير ويقدم بالف هنا
ملحوظه,,,,,,,,,,,,,,,,,,,اللى ماعندها كيس شوى ممكن تستخدم صينيه وتغطيها بالقصدير
الكمونيه
المقادير
حوالى كيلو لحم مقطع قطع متوسطه
اربع حبات بصل حلقات
فلفل اخضر حلقات
تلت حبات طماطم حلقات
3 معالق كبيره زبده
ملح وفلفل
كمون حوالى تلت ملاعق
الطريقه نضع الزبده فى الطنجره ونضع البصل ويقلب لمده خمس دقائق وبعدين نضيف اللحم ونقلب حتى ياخذ لون ذهبى وبعدها نضيف الطماطم والتوابل كلها ونضيف حوالى كوب ماء ونغطى الطنجره
ونتركها عالنار حتى تتشرب الماء جيدا وننقلها فى صينيه ونضعها تحت شوايه الفرن لتتحمر وبالف عافيه
البوفتيك
الطريقه
كيلو لحم بوفتيك
2 بصله
حبه طماطم
2 بيضه
ملعقه خل
ملح فلفل
بقسماط
ملعقه زيت زيتون
زيت للقلى
الطريقه
نغسل البوفتيك جيدا تحت الماء ونعصره بالايد عشان مايكون فيه ميه وفى الكبه نفرم البصل مع الطماطم ونضيف الملح والفلفل والخل ونضيف الخليط عالبوفتيك ونتركه حوالى ساعتين وكل مازادت المده بيكون افضل انا بجهزه من بالليل
نشيل التتبيله من على اللحم ونضرب البيض مع ملعقه فلفل اسمر وزيت الزيتون ونضع بها البوفتيك وبعدبين نغمسه فى البقسماط ونضغط عليه بكف اليد جيدا حتى يلتصق البقسماط وبعد ما ننتهى من العمليه نضع البوفتيك فى التلاجه حوالى ربع ساعه او اكتر قبل القلى وبعدين نقليه فى الزيت ويقدم مع بطاطس محمره وبالف هنا
صينيه الريش الضانى بالبصل والمشروم
هذه الطريقه سهله جدا ومابتاخد وقت ابدا من نصف ساعه الى ساعه الا ربع فقط
المقادير
اتنين كيلو ريش ضانى
خمس بصلات مقطعين حلقات
2حبه طماطم مكعبات
علبه مشروم مقطع
فلفل اخضر -اختيارى
ملح-فلفل-كمون-هيل
الطريقه
دى طريقه
فى صينيه فرن نضع الريش الضانى بعد غسلها ونضع عليها البصل والطماطم والفلفل والمشروم وجميع التوابل ولا نضيف اى شىء اخر لان المكونات بتنزل صوص وبتستوى فيه الريش نضع الصينيه فى الفرن على حراره 200 وبعدها تخرج وتقدم وبالف هنا
اتمنى ان اكون افدتكم وان شاء الله حرجعلكم باصناف اخرى كل عام وانتم بخيرء
[
الروابط المفضلة