بسم الله الرحمن الرحيم
معلش انا مش بلحق اصور الاطباق علشان عندي بنوتة عندها 6 شهور ادعولها ربنا يشفيها
علي العموم الطبق ده حلو اوي وجربوه ومش هتندموا
انا معرفش السجق بأي لغة تانية سامحوني
1\2 ك سجق
ملح \ فلفل \ بهارات \ شطة
1\4 م\ص كركم
رشة جنزبيل بودرة
2بصلة وسط
2 طماطم مقطعة صغير
1فلفل احمررومي +1فلفل اخضر+ 1 فلفل اصفر مقطع صغير
قرن فلفل حراق
2 فص ثوم
نبدأ بسم الله
نقطع البصل شرائح ويشوح في شوية زيت ثم نضيف الثوم ويشوح
نقطع السجق نصفين ثم يوضع عليهم ويتبل بالملح والفلفل
حتي يتغير لونه ثم نضيف الفلفل ونقلب ثم نضيف الطماطم
واخيرا البهارات
وانتي غير محتاجة انك تزودي مياه حتي يكون طعم الصوص تقيل وحلو
وقلبيه وخفضي الحرارة واتركيه حتي يستوي
مش حياخد 10 دقائق والله
ويقدم مع البطاطس المحمرة او المكرونة البيضاء
وبالهنا وقولي لي ايه رأيكم
وما تنسوا ادعوا لريماس رب يشفيها ويعف عنها

تسلم يدك عزيزتى

وربنا يشفى ابنتك امين يارب العالمين وتفرحى بيها ان شاء الله

الله يعطيك ألف عافية
الله يشفي بنتك ياااااااارب

تسلمين حبيبتي على الوصفه الطيبه وسلمت أبنتكِ من كل شر والله يحفظها لكِ

تسلم ايدك طبق روعة وسهل وبسيط وربنا يشفي الامورة يارب شفاء طيبا لايغادر سقما واطفال المسلمين جميعا

السلام عليكم
تسلم الايادى يادالى
سهل جدااااا
مشكوووووووووووووره

سلامة الكتكوتة ألف سلامة .. .. إن شاء الله .. ربنا يشفيها عاجلا غير آجل
و تسلمي و تسلم إيديكي يارب
و ياريت لما تفضي تكتبي لي طريقة الباذنجان المقلي الاسكندراني

الف سلامة على بنتك وربنا يشفيها هى وابنى وجميع مرضى المسلمين يا رب
وتسلم ايدك
والله انا بموت فى السجق الاسكندرانى لانه لذيذ
الف هنا وشفا

مشكورة على الوصفة حبيبتي

الف سلامه عليها ربنا يشيفيها يا رب

سجق جامد تسلم ايدك كل ما اكلوة هدعيلك